ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးရုံးအနေဖြင့် ကုန်ဈေးနှုန်းတည်ငြိမ်ရေး၊ စားသုံးသူကာကွယ်ရေးလုပ်ငန်းများကို ကြိုးစားပမ်းစား ဆောင်ရွက်လျက်ရှိရာ ၂၁.၅.၂၀၂၅ ရက်နေ့တွင် ညောင်လေးပင်မြို့နယ်တာဝန်ခံ ဦးကျော်သက်မိုးသည် ညောင်လေးပင်မြို့မဈေးအတွင်းရှိ ဘူးသွပ်ဆီအမျိုးမျိုးနှင့် ခွဲတမ်းရရှိသောစားသုံးဆီတို့အား ဈေးကွက်စောင့်ကြည့် စစ်ဆေးခဲ့ကြောင်း သတင်းရရှိပါသည်။
ဈေးကွက်စောင့်ကြည့်စစ်ဆေးရာတွင် ညောင်လေးပင်မြို့နယ်တာဝန်ခံ ဦးကျော်သက်မိုးသည် မိတ်ဖက်ဌာနများဖြစ်သော မြို့နယ်စည်ပင်သာယာရေးအဖွဲ့၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ညောင်လေးပင်မြို့မဈေးတာဝန်ခံတို့နှင့်အတူ ဈေးကွက်ထဲတွင် ရောင်းချလျက်ရှိသော ဘူးသွပ်ဆီအမျိုးမျိုးနှင့် စားသုံးဆီအမျိုးမျိုးတို့အား စစ်ဆေးခဲ့ပါသည်။ မြို့နယ် တာဝန်ခံက စားသုံးဆီရောင်းချသော အရောင်းဆိုင်များအား သတ်မှတ်ရည်ညွှန်းဈေးအတိုင်း ရောင်းချရန်၊ သတ်မှတ်အလေးချိန်အတိုင်း ပြည့်မှီစွာ ရောင်းချကြရန်၊ ဘူးသွပ်ဆီများတွင် မြန်မာဘာသာဖြင့် ကုန်အညွှန်း အမှတ်အသားများ ပြည့်စုံစွာဖော်ပြထားခြင်း ရှိ/မရှိ၊ သက်ဆိုင်ရာဌာနဆိုင်ရာများ၏ ထောက်ခံချက် လက်မှတ်များပါရှိခြင်းရှိ/မရှိနှင့် တားမြစ်ထားသော စားသုံးဆီများကို ဈေးကွက်ထဲတွင် ရောင်းချခြင်း မပြုရန် အသိပညာပေးဟောပြောခဲ့ကြောင်း သတင်းရရှိပါသည်။
DOCA(ပဲခူး)