ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ကျောက်တံခါးမြို့နယ်ဦးစီးမှူးရုံးအနေဖြင့် ကုန်ဈေးနှုန်းတည်ငြိမ်ရေး၊ စားသုံးသူကာကွယ်ရေးလုပ်ငန်းများကို အားတက်တရော လုပ်ဆောင်လျက်ရှိရာ ၂၀.၅.၂၀၂၅ ရက်နေ့တွင် ကျောက်တံခါးမြို့နယ်တာဝန်ခံ ဒေါ်တင်တင်စန်းနှင့် ဒုဦးစီးမှူး ဒေါ်ဇင်မာထွေးတို့သည် ကျောက်တံခါးမြို့နယ်အတွင်းရှိ Mobile Phone၊ ကြိုးဖုန်း၊ Lattop၊ TV အရောင်းဆိုင်များအား ဈေးကွက်စောင့်ကြည့် စစ်ဆေးခဲ့ကြောင်း သတင်းရရှိပါသည်။
ဈေးကွက်စောင့်ကြည့်စစ်ဆေးရာတွင် ကျောက်တံခါမြို့နယ်တာဝန်ခံ ဒေါ်တင်တင်စန်းနှင့် ဒုဦးစီးမှူး ဒေါ်ဇင်မာထွေးတို့သည် မိတ်ဖက်ဌာနများဖြစ်သော မြို့နယ်စည်ပင်သာယာရေးအဖွဲ့၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန တို့နှင့်အတူ ဈေးကွက်ထဲတွင် ရောင်းချလျက်ရှိသော Mobile Phone၊ ကြိုးဖုန်း၊ Lattop၊ TV အရောင်းဆိုင်များအား စစ်ဆေးခဲ့ပါသည်။ မြို့နယ်တာဝန်ခံက ဆက်သွယ်ရေးနှင့် လျှပ်စစ်ပစ္စည်းများဖြစ်ကြသော Mobile Phone၊ ကြိုးဖုန်း၊ Lattop၊ TV များတွင် မြန်မာဘာသာဖြင့် ကုန်အညွှန်း အမှတ်အသားများ ဖော်ပြထားခြင်း ရှိ/မရှိ၊ ဈေးနှုန်းများအား ပွင့်လင်းမြင်သာစွာ ဖော်ပြထားခြင်း ရှိ/မရှိနှင့် ကုန်အညွှန်းအမှတ်အသားမဖော်ပြထားလျှင် စားသုံးသူကာကွယ်ရေးဥပဒေအရ အရေးယူခံရမည်ဖြစ်ကြောင်း အသိပညာပေးဟောပြောခဲ့သည်ဟု သတင်းရရှိပါသည်။
DOCA(ပဲခူး)