၂၂.၅.၂၀၂၅ ရက်နေ့ နံနက် ၁၀ နာရီအချိန်တွင် စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူး၊ မော်လမြိုင်ခရိုင်ဦးစီးမှူးနှင့် ဝန်ထမ်းများသည် မွန်ပြည်နယ် ဆန်ကုန်သည်အသင်း၊ မွန်ပြည်နယ်ဆန်စက်အသင်းတို့ပါဝင်သော ဆန်စပါးသိုလှောင်ရုံ စစ်ဆေးရေးအဖွဲ့တို့နှင့်ပူးပေါင်း၍ မော်လမြိုင်မြို့၊ ဈေးကြိုရပ်၊ ရတနာထွန်းပွဲရုံနယ်မြေရှိ ဆန်စပါးသိုလှောင်ရုံများအား ကွင်းဆင်းစစ်ဆေးခဲ့သည်။
ထိုသို့ ကွင်းဆင်းစစ်ဆေးရာတွင် ရတနာထွန်းပွဲရုံနယ်မြေရှိ ဆန်စပါးသိုလှောင်ရုံများမှာ Myanmar Rice Online System တွင် မှတ်ပုံတင်ထားခြင်းရှိ/မရှိ စစ်ဆေးခဲ့ရာ ရတနာထွန်းပွဲရုံနယ်မြေရှိ ဆန်စပါးသိုလှောင်ရုံများမှာ MyRO တွင် မှတ်ပုံတင်ထားကြောင်း စစ်ဆေးတွေ့ရှိရပြီး သိုလှောင်ရုံပိုင်ရှင်များအား လစဉ် လဆန်း (၁) ရက်မှ (၇) ရက်အတွင်း ကုန်ရ၊ ကုန်ထုတ်၊ ကုန်လက်ကျန်များကို ပုံမှန်ထည့်သွင်းပေးရန် အသိပညာပေး ဆွေးနွေး ခဲ့ကြကြောင်း သိရှိရပါသည်။
DOCA (မွန်)