မကွေးတိုင်းဒေသကြီး၊ သရက်ခရိုင်၊ ကံမမြို့နယ်တာဝန်ခံသည် (၂၁.၅.၂၀၂၅)ရက်နေ့၊ နံနက်(၀၉း၀၀)နာရီအချိန်တွင် ကံမမြို့ပေါ်ရှိ မြန်မာ့စီးပွားရေးဘဏ်၌ ပင်စင်စားများအား လစာ ထုတ်ယူသည့်ကာလဝန်းကျင်တွင် စားအုန်းဆီများအား သက်သာသည့်ဈေးနှုန်းဖြင့် ဝယ်ယူ သုံးစွဲနိုင်ရေးအတွက် ရည်ရွယ်၍ သရက်မြို့ Than Thar Trading Co.,Ltd လက်ခွဲကိုယ်စားလှယ် ပြည့် ဆီအရောင်းဆိုင်မှ စားအုန်းဆီ ပိဿာ(၂၀၀)ကို ပင်စင်စား(၁)ဦးလျှင် စားအုန်းဆီ(၅၀)ကျပ်သား ဘူးအပါအဝင် (၁)ဘူးလျှင် ကျပ်(၄၁၆၀)ဈေးနှုန်းဖြင့် စုစုပေါင်း ပင်စင်စား(၄၀၀)ဦးအား ရောင်းချ ရာတွင် သက်ဆိုင်ရာဌာနများဖြစ်သော မြို့နယ်စည်ပင်သာယာရေးအဖွဲ့၊ ကျန်းမာရေးဦးစီး ဌာန၊ မြန်မာ့စီးပွားရေးဘဏ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့်အတူပူးပေါင်း၍ ဆောင်ရွက်ခဲ့ကြောင်း သိရသည်။
ဆက်လက်၍ ကံမမြို့၊ အမှတ်(၁)နှင့်(၂)ရပ်ကွက်ရှိ ရွှေတိုးနှင့် ဟိန်းဆီဆိုင်မှ ရပ်ကွက်နေ ပြည်သူများအား လူ(၁)ဦးလျှင် စားအုန်းဆီ(၁)ပိဿာနှုန်းကို ကျပ်(၇၄၂၀)ဈေးဖြင့်ရောင်းချရာတွင် စနစ်တကျရှိစေရေး ကွင်းဆင်းစစ်ဆေးခဲ့ကြောင်း သိရှိရသည်။
DOCA(မကွေး)