မြင်းခြံခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနရှိ Community Centreခန်းမ၌ အခမ်းအနားမှူးသင်တန်း၊ သတင်းရေးသားနည်းသင်တန်းနှင့် သတင်းဗီဒီယိုရိုက်ကူးတည်းဖြတ် နည်းသင်တန်းများကို ၁၄-၅-၂၀၂၅ ရက်နေ့မှ ၁၆-၅-၂၀၂၅ ရက်နေ့အထိ သင်ကြားပို့ချခဲ့ရာ မြင်းခြံ ခရိုင် စားသုံးသူရေးရာဦးစီးဌာနမှ ဝန်ထမ်း(၇)ဦးအပါအဝင် မြင်းခြံခရိုင်/မြို့နယ်ဌာနဆိုင်ရာများမှ သင်တန်းသား၊ သင်တန်းသူ စုစုပေါင်း (၆၉) ဦးတက်ရောက်ခဲ့ကြောင်း သိရှိရပါသည်။
အခမ်းအနားမှူးသင်တန်းတွင် ဘာသာစကားနှင့်အသုံးအနှုန်းများ၊ လေယူလေသိမ်းနှင့် အဖြတ်အတောက်များ မှန်ကန်စေရန်၊ ယဉ်ကျေးသိမ်မွေ့ပြေပြစ်စွာ စကားပြောတတ်စေရန်၊ အချိန်စီမံခန့်ခွဲတတ်စေရန်၊ ဝတ်စားဆင်ယင်မှု၊ ကိုယ်နေဟန်ထားနှင့်အသံအနေအထားတို့ကို အခမ်းအနား၏ ရည်ရွယ်ချက်နှင့် လိုက်ဖက်ညီအောင် ဆောင်ရွက်တတ်စေရန်၊ သင်ယူမှုနှင့် လက်တွေ့အသုံးချမှုများကို လေ့ကျင့်ဆောင်ရွက်နိုင်စေရန် စသည့်ဆောင်ရန်၊ ရှောင်ရန်အချက်များ၊ သတင်းရေးသားနည်းသင်တန်းတွင် သတင်းအရည်အသွေး မှန်ကန်ကောင်းမွန်စေရေးအတွက် “ဘ” ၆ လုံးနှင့်အညီရေးသားတတ်စေရန်၊ သတိပြုရမည့်ဆောင်ရန်၊ရှောင်ရန်များ၊ အလေးထားရမည့် စံသတ်မှတ်ချက်များ၊ သတင်းဗီဒီယို ရိုက်ကူးတည်းဖြတ်နည်းသင်တန်းတွင် ရိုက်ကူးရေးမစတင်မီ ကြိုတင်ပြင်ဆင်ထားရှိရမည့် အချက်များ၊ Camera Settingများကို ချိန်ညှိစစ်ဆေးထားရမည့် အချက်များ၊ ရိုက်ကူးပြီးဗီဒီယိုများတွင် ပြင်ဆင်တည်းဖြတ်ခြင်းပညာရပ်များအား စနစ်တကျ သင်ကြားပို့ချပေးခဲ့ကြောင်း သိရှိရသည်။
DOCA(မန္တလေး)