မန္တလေးတိုင်းဒေသကြီး၊ စားသုံးသူရေးရာဦးစီးဌာန၊ ကျောက်ဆည်ခရိုင်ဦးစီးမှူးရုံး၌ မေလ(၂၆) ရက်နေ့ နံနက် (၁၁:၃၀)အချိန်တွင် အွန်လိုင်းအသုံးပြု၍ စားသုံးသူရေးရာသင်တန်း ဖွင့်လှစ်ပို့ချခဲ့ပါသည်။ သင်တန်းတွင် ကျောက်ဆည်ခရိုင် စားသုံးသူရေးရာဦးစီးဌာန၊ ခရိုင်ဦးစီးမှူး ဦးမောင်ထူးက ရုံးလုပ်ငန်းလက်စွဲပါ အကြောင်းအရာများ၊ ဝန်ထမ်းများ သိသင့်သိထိုက်သည့် ရုံးစာ ရေးသားနည်းများအား လည်းကောင်း၊ ပြင်ဦးလွင်ခရိုင် တာဝန်ခံရုံးမှ ဦးသက်လွင်ထူး (ဦးစီးအရာရှိ) က စားသုံးသူကာကွယ်ရေး ဥပဒေပါ ကုန်အညွှန်း အမှတ်အသားဆိုင်ရာ ပြဌာန်းချက်များ၊ ပြစ်မှုနှင့် ပြစ်ဒဏ်များအားလည်းကောင်း၊ကျောက်ဆည်ခရိုင်ဦးစီမှူးရုံးမှ ဒုတိယခရိုင်ဦးစီးမှူး ဦးဇော်မင်းလတ် (ဦးစီးအရာရှိ)က အွန်လိုင်းမှတစ်ဆင့် ဝယ်ယူခြင်းနှင့် စပ်လျဉ်း၍ အွန်လိုင်းမှတ်ပုံတင်ရာတွင် ပေးသွင်းရမည့် မှတ်ပုံတင်ကြေးများ၊ အွန်လိုင်းမှတစ်ဆင့် ဈေးဝယ်ယူရာတွင် အားနည်းချက် အားသာချက်များ၊ မှတ်ပုံတင်ရမည် ကုန်စည်/ဝန်ဆောင်မှု အမျိုးအစားများ၊ လိမ်လည်မှု အမျိုးအစား(၂)မျိုး၏ အကြောင်းအရာများ၊ အွန်လိုင်းဝန်ဆောင်မှုနှင့် စပ်လျဉ်းသည့် စားသုံးသူများ၊ သိသင့်သိထိုက်သည့် အကြောင်းအရာများ၊ စားသုံးသူများ၏ အခွင့်အရေးနှင့် တာဝန်များနှင့် စားသုံးသူများ နစ်နာဆုံးရှုံးမှုများ ဖြစ်ပေါ် လာပါက တိုင်ကြားနိုင်သည့် နည်းလမ်းများအား ဟောပြောပို့ချခဲ့ပါသည်။ ၎င်းသင်တန်းအား ကိုယ်တိုင်တက်ရောက်သူ(၁၂)ဦး Online မှ တက်ရောက်သူ (၄)ဦး စုစုပေါင်း(၁၆)ဦး တက်ရောက်ခဲ့ကြောင်း သတင်းရရှိပါသည်။
DOCA(မန္တလေး)