စားသုံးသူရေးရာဦးစီးဌာန ၊ ဟင်္သာတမြို့နယ်တာဝန်ခံမှ (၁၆-၅-၂၀၂၅ )ရက်နေ့ ၊ နေ့လယ် (၁၃:၀၀)မိနစ်တွင် သက်ဆိုင်ရာဌာနဆိုင်ရာများနှင့်ပူးပေါင်း၍ ဟင်္သာတမြို့ပေါ်ရှိ အခြေခံစားသောက်ကုန် အရောင်းဆိုင်များတွင် ဈေးနှုန်းမြှင့်တင်ရောင်းချမှုရှိ/မရှိအား ကွင်းဆင်းစစ်ဆေးခဲ့ပါသည်။
စစ်ဆေးတွေ့ရှိချက်များအရ ဟင်္သာတမြို့ပေါ်ရှိ အခြေခံစားသောက်ကုန်အရောင်းဆိုင်များ တွင် အခြေခံစားသောက်ကုန်များဖြစ်သည့် စားအုန်းဆီနှင့် ကုလားပဲဈေးနှုန်းများမှာ အနည်းငယ် ကျဆင်းသွားပြီး အိုင်အိုဒင်းဆားဈေးနှုန်းမှာ ဆားကြမ်းဈေးနှုန်း မြင့်တက်သွားရခြင်းကြောင့် ဈေးအနည်းငယ်မြင့်တက်သွားကြောင်းနှင့် အခြားသောစားသောက်ကုန်ဈေးနှုန်းများမှာ ပြောင်းလဲသွားခြင်းမရှိဘဲ ဈေးနှုန်းတည်ငြိမ်လျက်ရှိကြောင်း သိရှိရပါသည်။
(DOCA ဧရာဝတီ)