ရခိုင်ပြည်နယ်၊ စားသုံးသူရေးရာဦးစီးဌာန စစ်တွေမြို့နယ် တာဝန်ခံ ဦးသိန်းအောင်သည် (၁၁-၇-၂၀၂၂)နေ့ နေ့လယ် (၁၃:၁၅)နာရီအချိန်တွင် စားသုံးဆီဖြန့်ဖြူးရောင်းချသည့် လုပ်ငန်းရှင် (၃)ဦးအား မြို့နယ် ဦးစီးမှူးရုံးသို့ ဖိတ်ခေါ်၍ စားသုံးဆီဖြန့်ဖြူးရောင်းချရာတွင် လိုက်နာဆောင်ရွက်ရမည့်အချက်များနှင့် ပတ်သက်၍ အသိပညာပေးဆွေးနွေး ဆောင်ရွက်ခဲ့ပါသည်။
မြို့နယ်တာဝန်ခံ ဦးသိန်းအောင်မှ ဆွေးနွေးရာတွင် စားသုံးဆီရောင်းချသည့်စီးပွားရေး လုပ်ငန်းရှင်များအနေဖြင့် ကုန်ပစ္စည်းများကို မိမိတို့ကိုယ်တိုင်မထုတ်လုပ်သော်လည်း စားသုံးသူရေးရာဦးစီးဌာန၏ ၂၀၁၉ စားသုံးသူကာကွယ်ရေးဉပဒေအရ မည်သည့်စီးပွားရေးလုပ်ငန်းရှင်မဆို ကုန်ပစ္စည်းများအား ထုတ်လုပ်ခြင်း၊ ဖြန့်ဖြူးခြင်း ရောင်းချခြင်း၊ သယ်ယူခြင်း၊ သိုလှောင်ခြင်း တင်ပို့ခြင်းများဆောင်ရွက်ရာတွင် သတ်မှတ်ကုန်အညွှန်းအမှတ်အသားများအား ဥပဒေပါ အခန်း (၁၈) ပုဒ်မ (၄၁၊ ၄၂)တို့နှင့်အညီဖော်ပြရန်လိုအပ်ခြင်း၊ ပုဒ်မ (၄၃)ပါ မြန်မာဘာသာဖြင့်ဖြစ်စေ၊ မြန်မာဘာသာတစ်ခု(သို့) တစ်ခုထက်ပို၍တွဲလျက်ဖြစ်စေ ဖော်ပြရန်လိုအပ်ခြင်း၊ ၎င်းအပြင် စားသုံးသူရေးရာဦးစီးဌာန၏ (၁/၂၀၂၁)ညွှန်ကြားချက်ပါ စားသုံးဆီများတွင် ပင်ရင်းပါဝင်ပစ္စည်းကို အခြေခံသော ကုန်စည်၏အမျိုးအမည်ကို ဟင်းသီးဟင်းရွက်ဆီ(စားအုန်းဆီ)၊ ဟင်းသီးဟင်းရွက်ဆီ (အဆင့်မြင့်စားအုန်းဆီ)ဟု မြန်မာဘာသာဖြင့်တိကျစွာဖော်ပြရန်နှင့် အသားတင်ပမာဏကိုလည်း မြန်မာ့အလေးချိန်ယူနစ်ဖြစ်သော ပိဿာ၊ ကျပ်သားတို့အား မြန်မာဘာသာဖြင့်ဖော်ပြရန် လိုအပ်ကြောင်း၊ စားသုံးဆီရောင်းချသည့် လုပ်ငန်းရှင်များအနေဖြင့်လည်း ဥပဒေ၊ ညွှန်ကြားချက်တို့နှင့် ကိုက်ညီသော ကုန်ပစ္စည်းများကိုသာ မှာယူရောင်းချရန် အသိပညာပေးဆွေးနွေး ပြောကြားခဲ့ပါကြောင်း သတင်းရရှိပါသည်။
DOCA(ရခိုင်)