၂.၆.၂၀၂၅ ရက်နေ့ နံနက် (၈:၃၀)အချိန်တွင် မွန်ပြည်နယ်၊ သထုံခရိုင်၊ စားသုံးသူ ရေးရာဦးစီးဌာနမှ ခရိုင်ဦးစီးမှူး ဦးထွန်းအောင်ဖြူနှင့် ဝန်ထမ်းများသည် ပေါင်မြို့နယ်ရှိ စားအုန်းဆီ လက်လီ/လက်ကားရောင်းချနေသည့် နေရာများသို့ ကွင်းဆင်းစစ်ဆေးခဲ့ပါသည်။
ရှေးဦးစွာ ပေါင်မြို့နယ်၊ ဇင်းကျိုက်ရပ်ကွက်ရှိ စားအုန်းဆီ လက်လီ/လက်ကား ကိုယ်စားလှယ် ဦးဟန်စိန် ရောင်းချနေသည့် နေရာနှင့် ပေါင်မြို့နယ် စားအုန်းဆီ လက်လီ/ လက်ကားကိုယ်စားလှယ် ဒေါ်နော်မဒီ(ခ)ဒေါ်ဟန်သီစံ ရောင်းချနေသည့် ကျခတ်ငူကျေးရွာသို့ သွားရောက်စစ်ဆေးခဲ့ပါသည်။
ထိုသို့ စစ်ဆေးခဲ့ရာတွင် ခရိုင်ဦးစီးမှူးဦးထွန်းအောင်ဖြူက စားအုန်းဆီ လက်လီ/ လက်ကားရောင်းချနေသော ကိုယ်စားလှယ်များအနေဖြင့် ပြည်သူများသို့ စားအုန်းဆီ ရောင်းချရာတွင် စားသုံးဆီဈေးကွက်အတွင်း ဖြစ်သင့်ဖြစ်ထိုက်သော ဈေးနှုန်းများဖြင့် ရောင်းချစေရေး၊ ဈေးနှုန်းအဆမတန်မြှင့်တင်ရောင်းချမှုမရှိစေရေး၊ ချိန်တွယ်ပြည့်မီစေရန်နှင့် ဌာနအမိန့်နှင့် ညွှန်ကြားချက်များကို လိုက်နာဆောင်ရွက်သွားရန် စားအုန်းဆီကိုယ်စားလှယ်များအား ကွင်းဆင်းကြပ်မတ်ဆောင်ရွက်ခဲ့ပြီး ပေါင်မြို့နယ်ရှိ ယခုအပတ် စားအုန်းဆီ (၁) ပိဿာဈေးနှုန်းမှာ (၇၁၁၃) ကဖြစ်ကြောင်း သိရှိရပါသည်။
DOCA (မွန်)