“ သုံးခွမြို့နယ်တွင်ထိုင်းဘာသာဖြင့်ကုန်အညွှန်းအမှတ်အသားဖော်ပြထားသည့် Sprite အမှတ်တံဆိပ်အချိုရည်ဘူးများရောင်းချမှုရှိ/မရှိ ဈေးကွက်စောင့်ကြည့်စစ်ဆေး”

   ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ် စည်ပင်သာယာမြို့မဈေးအတွင်း/ အပြင်ရှိ အချိုရည်အမျိုးမျိုးရောင်းချသော ဆိုင်များသို့ ထိုင်းဘာသာဖြင့် ကုန်အညွှန်းအမှတ် ဖော်ပြထားသည့် Sprite အမှတ်တံဆိပ် အချိုရည်ဘူးများ ရောင်းချနေခြင်းနှင့် စပ်လျဉ်း၍ ဈေးကွက်စောင့်ကြည့် စစ်ဆေးခြင်းအား ဇွန်လ(၃)ရက်နေ့၊ နေ့လည် (၁၁:၀၀)နာရီအချိန်တွင် စားသုံးသူရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့တို့ ပူးပေါင်း၍ ကွင်းဆင်းစစ်ဆေး ခဲ့ကြောင်း သိရသည်။

   ထိုသို့ ကွင်းဆင်းစစ်ဆေးရာတွင် စည်ပင်သာယာမြို့မဈေးအတွင်း/အပြင်ရှိ မုန့်နှင့် အချိုရည် အမျိုးမျိုးရောင်းချသော ဆိုင်များ၌ အမှတ်တံဆိပ် ပုံစံတူ Sprite အချိုရည်ဘူးများ တွင် အစိမ်းရောင် ပလပ်စတစ်ဘူးများဖြင့် ထုတ်ပိုးထားသည့်  Sprite အချိုရည်ဘူးများ ရောင်းချခြင်းရှိ/မရှိ၊ အစားအသောက်နှင့် ဆေးဝါးကွပ်ကဲရေးဦးစီးဌာနတွင် မှတ်ပုံတင်ထားခြင်း ရှိ/မရှိနှင့် မြန်မာဘာသာဖြင့် ကုန်အညွှန်းအမှတ်အသား ဖော်ပြထားခြင်း ရှိ/မရှိ ဈေးကွက် စောင့်ကြည့် ကွင်းဆင်းစစ်ဆေး၍ အဆိုပါ ထိုင်းဘာသာဖြင့် ကုန်အညွှန်းအမှတ်အသား ဖော်ပြထားသည့် Sprite အချိုရည်ဘူးများအား ရောင်းချခြင်း မပြုလုပ်ကြရန်နှင့် မြန်မာဘာသာ ဖြင့် ကုန်အညွှန်းအမှတ်အသား ဖော်ပြထားခြင်းမရှိသည့် ကုန်စည်များအား ဈေးကွက်အတွင်း ရောင်းချခြင်း မပြုလုပ်ကြရန် ထိုသို့ ပြုလုပ်မိပါက စားသုံးသူကာကွယ်ရေး ဥပဒေနှင့်အညီ အရေးယူဆောင်ရွက်မည် ဖြစ်ကြောင်း အသိပညာပေး ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)