ပဲခူးတိုင်းဒေသကြီး၊စားသုံးသူရေးရာဦးစီးဌာန၊သာယာဝတီခရိုင် ၊ ဇီးကုန်းမြို့နယ်တာဝန်ခံ နှင့် ဝန်ထမ်းများသည် (၁၄.၇.၂၀၂၂)ရက်နေ့ ၊ နံနက်(၉:၃၀)အချိန်တွင် စည်ပင်သာယာဈေးအတွင်း ဖြန့်ဖြူးရောင်းချနေသော ကုန်မျိုးစုံဆိုင်(၁၁)ဆိုင်အား အမှတ်တံဆိပ်ပါစားသုံးဆီများ၌ ဖော်ပြပါရှိရမည့် ကုန်စည်အလိုက် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှု အညွှန်းတို့ကို မြန်မာဘာသာဖြင့် ဖော်ပြထားမှု ရှိ/မရှိ ဈေးကွက် စောင့်ကြည့်စစ်ဆေးခြင်းကို မြို့နယ်စည်ပင်သာယာရေး ဈေးတာဝန်ခံ ဦးခင်မောင်ထွန်း၊ ဈေးအကျိုးတော်ဆောင် ဦးဝင်းကျော်တို့နှင့် ပူးပေါင်း၍ ဈေးကွက်စောင့်ကြည့် စစ်ဆေးခဲ့ပါသည်။
ထိုသို့ အမှတ်တံဆိပ်ပါ ဘူးသွတ်စားသုံးဆီများကို ဈေးကွက်စောင့်ကြည့် စစ်ဆေးရာ၌ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက် အမှတ် ၂/၂၀၁၉ နှင့်အညီ ကုန်အမှတ် တံဆိပ်များ ဖော်ပြထားသည်ကို တွေ့ရှိရပြီး စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ညွှန်ကြားချက်အမှတ် ၁/၂၀၂၁ ကို လိုက်နာဆောင်ရွက်မှု အားနည်းသေးကြောင်း တွေ့ရှိရပါဖြင့် ညွှန်ကြားချက်နှင့်အညီ လိုက်နာဆောင်ရွက်ကြရန် အသိပညာပေးခဲ့ကြောင်း သိရှိရပါသည်။
DOCA(ပဲခူး)