GANO အမှတ်တံဆိပ် အမည်တူ တရားမဝင်ထုတ်ကုန်များရောင်းချမှုရှိ/မရှိ စိစစ်ခြင်းကို (၁၃-၇-၂၀၂၂)နေ့တွင် ရခိုင်ပြည်နယ် စားသုံးသူရေးရာဦးစီးဌာန မင်းပြားမြို့နယ်တာဝန်ခံနှင့် ဝန်ထမ်းများသည် မင်းပြားမြို့ မြို့မဈေးအတွင်း၌လည်းကောင်း၊ (၁၈.၇.၂၀၂၂)နေ့တွင် စစ်တွေမြို့နယ် တာဝန်ခံနှင့် ဝန်ထမ်းများသည် စစ်တွေမြို့ မြို့မဈေးနှင့် မကျည်းမြိုင်ဈေးအတွင်း၌ လည်းကောင်း၊ သံတွဲခရိုင်ဦးစီးမှူးနှင့် ဝန်ထမ်းများသည် သံတွဲမြို့ ဒွါရာဝတီဈေးအတွင်း၌ လည်းကောင်း ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။
ဤကဲ့သို့စစ်ဆေးရခြင်းမှာ MLM Gano Trading Company သည် မလေးရှားနိုင်ငံ Gano Excel Industries SDN. BHD မှ အစားအသောက်၊ လူသုံးကုန်၊ ဖြည့်စွက်အစားအစာများကို တစ်ဦး တည်းပိုင်ကိုယ်စားလှယ်အဖြစ်မှတ်ပုံတင်ပြီး သက်ဆိုင်ရာဌာနများ၏ ထောက်ခံချက်များရယူကာ ဈေးကွက်အတွင်းတရားဝင်ဖြန့်ဖြူးရောင်းချနေသည့် ကုမ္ပဏီတစ်ခုဖြစ်ရာ အခြားစီးပွားရေးလုပ်ငန်း ရှင်တစ်ဦးမှ ထိုင်းနိုင်ငံထုတ် Gano အမှတ်တံဆိပ်ဖြင့် ကော်ဖီ၊ သွားတိုက်ဆေးနှင့် ဖြည့်စွက်အစား အစာများကို တရားမဝင်တင်သွင်းရောင်းချနေကြောင်းသိရှိရသည့်အတွက် မလေးရှားနိုင်ငံထုတ် Gano အမှတ်တံဆိပ်နှင့် အမည်တူ ထိုင်းနိုင်ငံထုတ် Gano အမှတ်တံဆိပ် ကုန်ပစ္စည်းများအား ဈေးကွက်အတွင်းရောင်းချမှုရှိ/မရှိ စိစစ်ဆောင်ရွက်ရခြင်းဖြစ်ပြီး မြို့နယ်ဈေးကွက်များအတွင်း ရောင်းချမှုမရှိကြောင်း စစ်ဆေးတွေ့ရှိရပါသည်။
ဈေးကွက်အတွင်းရှိဈေးဆိုင်လုပ်ငန်းရှင်များအား ထိုင်းနိုင်ငံထုတ် Gano အမှတ်တံဆိပ်ဖြင့် ကော်ဖီ၊ သွားတိုက်ဆေးနှင့် ဖြည့်စွက်အစားအစာများသည် တရားမဝင်ထုတ်ကုန်များဖြစ်သည့်အတွက် ဆိုင်တင်ရောင်းချမှုမရှိစေရေး နမူနာပုံစံ လက်ကမ်းစာစောင်များဖြန့်ဝေပြီး အသိပညာပေး ဆောင်ရွက်ခဲ့ပါကြောင်းသတင်းရရှိပါသည်။
DOCA(ရခိုင်)