ကချင်ပြည်နယ်၊ စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးနှင့် ဝန်ထမ်းများသည် ၁၈.၇.၂၀၂၂ရက်နေ့ နေ့လယ် ၁၃:၀၀နာရီအချိန်မှ ၁၃:၄၅နာရီအချိန်ထိ မြစ်ကြီးနားမြို့၊ ရှမ်းစုမြောက်ရပ်ကွက်ရှိ အ.မ.က(၄)ကျောင်းတွင် ဆရာ၊ဆရာမများနှင့်ကျောင်သား၊ ကျောင်းသူများအား စားသုံးသူကာကွယ်ရေးဆိုင်ရာ အသိပညာပေးဟောပြောပွဲ ဆောင်ရွက်ခဲ့ပါသည်။
အဆိုပါ ဟောပြောရာတွင် ခရိုင်ဦးစီးမှူး ဦးဇော်မင်းဦးမှ စားသုံးသူကာကွယ်ရေးဥပဒေပါ စားသုံးသူ၏ အခွင့်အရေး(၈)ချက်အားရှင်းလင်းဆွေးနွေးခဲ့ပြီး ဦးဘောမ်ဇုန်း(ရုံးအုပ်)မှ ကျောင်သား၊ ကျောင်းသူများအား အသင့်စား အစားအစာအမျိုမျိုးတို့ကို ဝယ်ယူစားသုံးရာတွင် ထုတ်လုပ်သည့် ရက်စွဲနှင့်သက်တမ်းကုန်ဆုံးသည့်ရက်စွဲများ အဓိကထားဖတ်ရှုရမည်ဖြစ်ပြီး ကျောင်းသား၊ ကျောင်းသူများသိရှိစေရန် နမူနာပစ္စည်းများဖြင့်အသေးစိတ်ရှင်းလင်းဟောပြောခဲ့ပါသည်။ထို့နောက် စာသင်ကျောင်းမုန့်ဈေးဆိုင်များအား ဘေးအန္တရာယ်ရှိအစားအစာများရောင်းချခြင်းရှိမရှိ စစ်ဆေးခြင်း လုပ်ငန်းများဆောင်ရွက်ခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေပေး ခဲ့ပါသည်။ အသိပညာပေးဟောပြောပွဲသို့ ဆရာ၊ဆရာမ(၆)ဦးနှင့် ကျောင်းသား၊ကျောင်းသူ(၇၂)ဦး စုစုပေါင်း(၇၈)ဦး တက်ရောက်ခဲ့ပါသည်။
DOCA(ကချင်)