(၃.၆.၂၀၂၅)ရက်နေ့ နေ့လည်(၁၂:၃၀)အချိန်တွင် စားသုံးသူရေးရာဉီးစီးဌာနနှင့် ကုန်သွယ်ရေးဉီးစီးဌာနတို့ပူးပေါင်း၍ မင်္ဂလာဒုံမြို့နယ်ရှိ Peoch Mobile Phone ဆိုင်သို့ ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးရာတွင် အမှတ်(၁၉၆)၊ အမှတ်(၃)လမ်းမကြီး၊ မင်္ဂလာဒုံမြို့နယ်ရှိ Peoch Mobile Phone ရောင်းချသည့် လက်ကိုင်ဖုန်းအမျိုးမျိုးတို့တွင် ကုန်အညွှန်း အမှတ်အသား ဖော်ပြထားခြင်းရှိ/မရှိ၊ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)အား အသိပညာပေးဆွေးနွေးခဲ့ပြီး စားသုံးသူများအား ဝန်ဆောင်မှုနှင့်စပ်လျဉ်း၍ လုံလောက်သည့်သတင်းအချက်အလက်များကို အသိပေးရန်နှင့် ရောင်းချသည့်ဖုန်းများ၏ အမျိုး အစားအလိုက် ဈေးနှုန်းများအား ပွင့်လင်းမြင်သာစွာ ကြိုတင်အသိပေးဖော်ပြထားရန် အသိပညာပေး ဆွေးနွေးခဲ့ကြောင်း သိရှိရပါသည်။
DOCA (ရန်ကုန်)