မုဒုံမြို့နယ်၊ ကတုံးပေါ်ဆိပ်ကမ်းသို့ ဆီတင်သင်္ဘော ရောက်ရှိဆိုက်ကပ်မှု

     ၉.၆.၂၀၂၅ ရက်နေ့ (၁၅:၄၀) အချိန်တွင် မွန်ပြည်နယ်အစိုးရအဖွဲ့၏ ကြီးကြပ်မှုဖြင့် Myanmar Energy King (MEK) Co.,Ltd နှင့် Yar Zar Min Industry Co.,Ltd တို့မှ ပြည်နယ်အတွင်း လစဉ်အသုံးပြုရန် လိုအပ်သော စက်သုံးဆီများအား ပြည်ပ(ပင်လယ်ရေ ကြောင်း)မှ တင်သွင်းဖြန့်ဖြူး ရောင်းချနိုင်ရန်အတွက် စင်္ကာပူနိုင်ငံ၊ BANYAN Singapore ဆိပ်ကမ်းမှ ၃.၆.၂၀၂၅ ရက်နေ့တွင် ထွက်ခွာလာသော စက်သုံးဆီတင်သင်္ဘောသည် သင်္ဘောကပ္ပတိန် ထိုင်းနိုင်ငံသား Mr.RADTANEE MINTA (PP.No AC 5438468 Vissa No- H 67750) ပါ ထိုင်းနိုင်ငံသာ သင်္ဘောသား ၁၈ ဦးတို့ လိုက်ပါလျက် စက်သုံးဆီများ တင်ဆောင်ကာ ဦးညီညီထွေး ပိုင်ဆိုင်သည့် Yar Zar Min Industry Co.,Ltd မုဒုံမြို့နယ်၊ ကတုံးပေါ်ကျေးရွာ၊ ရာဇာမင်းရေနက်ဆိပ်ကမ်း၊ စက်သုံးဆီ သိုလှောင်ကန်အတွင်း သိုလှောင် ထားရှိရန် ဆိုက်ကပ်လာခဲ့ကြောင်း၊ အဆိုပါ စက်သုံးဆီတင်သင်္ဘော ဆိုက်ကပ်လာရာသို့ ပြည်နယ်ရေးကြောင်းရဲတပ်ဖွဲ့၊ ရဲမှူးဇေယျာနိုင် ဦးစီး(၁+၁)ဦး၊ မော်လမြိုင်ခရိုင် အထွေထွေအုပ်ချုပ်ရေး ဦးစီးဌာနမှ ဦးစီးအရာရှိ ဦးဝဿန်ဦး၊ ပြည်နယ်စားသုံးသူရေးရာဦးစီးဌာနမှ ဦးစီးအရာရှိ ဦးမျိုးလွင်၊ ပြည်နယ်မီးသတ်ဦးစီးဌာနမှ ညွှန်ကြားရေးမှူး ဦးမျိုးဝင်းပါ ၃ ဦး၊ ပြည်နယ်အကောက်ခွန်ဦးစီးဌာန အကောက်ခွန်မှူး ဦးစောမြဌေး၊ ပြည်နယ်ရေနံထွက် ကြီးကြပ်စစ်ဆေးရေးဦးစီးဌာန ဦးစီးအရာရှိ ဦးကျော်စွာဦး၊ ပြည်နယ်ရေကြောင်ပို့ဆောင်ရေးဦးစီးဌာန ညွှန်ကြားရေးမှူး ဦးဇော်သက်အောင် ပါ ၂ ဦး၊ မုဒုံမြို့နယ်ရဲတပ်ဖွဲ့မှူး ရဲမှူး ခင်ဇော်ဝင်း ဦးစီး (၂+၂)ဦး၊ မုဒုံမြို့နယ်လူဝင်မှုကြီးကြပ်ရေးဦးစီးဌာနမှ ဦးစီးမှူး ဦးဆန်းဦးပါ ၅ ဦး၊ အမှတ်(၁၁)သတင်းရဲတပ်ဖွဲ့ခွဲ၊ မုဒုံတပ်ဖွဲ့စုမှူး ဒုတိယရဲမှူး နေလင်းအောင်၊ စစ်ဘက်ရေးရာလုံခြုံရေး၊ မုဒုံတပ်ဖွဲ့စိတ် တပ်ကြပ်ကြီး ဝင်းဇော် တို့ပါဝင်သော ပူပေါင်းအဖွဲ့သည် စက်သုံးဆီများ တင်ဆောင်လာသည့် ဆီတင်သင်္ဘောအား စစ်ဆေးဆောင်ရွက်ခဲ့ပြီး ကတုံးပေါ်ရေနက် ဆိပ်ကမ်းသို့ စက်သုံးဆီသိုလှောင်ကန်အတွင်းသို့ 92 ဓါတ်ဆီ ၃၀၃၅ မက်ထရစ်တန်အား သိုလှောင်ထားရှိပြီး သင်္ဘောကပ္ပတိန် ထိုင်းနိုင်ငံသား Mr.RADTANNE MINTA ပါ ထိုင်းနိုင်ငံသာ သင်္ဘောသား ၁၈ ဦးတို့သည် သင်္ဘောပေါ်၌ ညအိပ်နေထိုင် သွားမည်ဖြစ်ကြောင်း၊ အဆိုပါ စက်သုံးဆီတင်သင်္ဘောသည် ၁၀.၆.၂၀၂၅ ရက်နေ့ (၀၇:၀၀) အချိန် ပြန်လည်ထွက်ခွာမည်ဖြစ်ကြောင်း သိရှိရသည်။

DOCA (မွန်)