ရခိုင်ပြည်နယ် မြောက်ဦးခရိုင် မြေပုံမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးစံညွန့်(ဦးစီးမှူး)သည် အားကစားနှင့်ကာယပညာဦးစီးဌာနမှ ဦးစီးအရာရှိ လိုက်ပါလျှက် ၂၀၂၂ခုနှစ်၊ ဇူလိုင်လ(၂၂)ရက်နေ့ နေ့လယ်(၁၂:၀၀) အချိန်တွင် မြေပုံမြို့ရှိ အထက-မြေပုံ Grate-10မှ ကျောင်းသား/သူ (၂၉၀)ဦးတို့ကို အဆိုပါစာသင်ကျောင်းရှိ ဦးစိန္တာခန်းမ၌ စားသုံးသူကာကွယ်ရေး အသိပညာပေး ဟောပြောခဲ့ပါသည်။
ရှေးဦးစွာ အထကမြေပုံကျောင်းအုပ်ဆရာကြီး ဦးမောင်လှခင်မှ ဟောပြောရန် လာရောက်ကြသည့် ဌာနမြို့နယ်ဦးစီးမှူးများနှင့် ကျောင်းသား/သူများကို မိတ်ဆက်ပေးပြီး အဖွင့်အမှာစကားပြောကြားခဲ့ပါသည်။
၎င်းနောက် စားသုံးသူရေးရာဦးစီးဌာန မြို့နယ်တာဝန်ခံမှ “ကုန်အညွှန်းအမှတ်အသား ပြည့်စုံမှ စိတ်ချယုံကြည် စားသုံးကြ” ခေါင်းစဉ်ဖြင့် အသိပညာပေးဟောပြောရာတွင် ဌာန၏ မျှော်မှန်းချက်၊ ရည်မှန်းချက်များ စားသုံးသူ၏ အခွင့်အရေးနှင့်တာဝန်များ၊ စားသုံးသူကာကွယ်ရေး ဉပဒေအရ ကုန်ပစ္စည်းများကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာ တွဲလျှက်ဖြစ်စေ ဖော်ပြပါရှိမှသာလျှင် ဈေးကွက်အတွင်းသို့ ဖြန့်ဖြူးရောင်းချရမည်ဖြစ်ကြောင်း စားသုံးသူများအနေဖြင့် ကုန်အညွှန်းအမှတ်အသားများကို မြန်မာဘာသာဖြင့် ပြည့်စုံစွာဖော်ပြထား သော ကုန်ပစ္စည်းများကိုသာ ရွေးချယ်ဝယ်ယူစားသုံးရန်လိုအပ်ပါကြောင်း ကျန်မာရေး၊ ပညာရေး ဝန်ဆောင်မှု၊ ခရီးသွားဝန်ဆောင်မှုလုပ်ငန်းစသည့် ဝန်ဆောင်မှုလုပ်ငန်းများတွင်လည်းကောင်း၊ အစားအသောက်နှင့်ပတ်သက်၍လည်းကောင်း နစ်နာဆုံးရှုံးမှုဖြစ်ပေါ်လာပါက စားသုံးသူသတင်း ပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC)ရုံး ဖွင့်လှစ်ထားရှိရာသို့ လာရောက်တိုင်ကြားနိုင်သလို w.w.w doca gov.mm တွင်လည်းကောင်း၊ Doca Myanmar မိုဘိုင်း အက်ပလီကေရှင်းမှတဆင့်လည်းကောင်း တိုင်ကြားနိုင်ပါကြောင်း ဟောပြော ဆွေးနွေးခဲ့ပါသည်။
အားကစားနှင့်ကာယပညာဦးစီးအရာရှိ ဦးအောင်မျိုးဆွေမှ “လူငယ်များနှင့် ခေါင်းဆောင်မှု စွမ်းရည်” ခေါင်းစဉ်ဖြင့် ပညာပေးဟောပြောခဲ့ပြီး အားကစားပစ္စည်း (၃)မျိုးကို ကျောင်းအုပ်ဆရာကြီးသို့ ပေးအပ်ကာ အသိပညာပေးဟောပြောခြင်းကို (၁၃:၂၀)အချိန်တွင် ရုတ်သိမ်းခဲ့ကြောင့် သတင်းရရှိပါသည်။
DOCA(ရခိုင်)