စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ တောင်ငူမြို့နယ်တာဝန်ခံ ဦးမြင့်သူသည် ဇွန်လ (၁)ရက်နေ့ မွန်းလွဲပိုင်းက တောင်ငူမြို့နယ်၊ လဲဘူးကျေးရွာအုပ်စု၊ ကောင်းမှုတော် မြောက်ဖက်မုခ် အာရုံခံတန်ဇောင်း၌ မြို့နယ်အဆင့်ဌာနဆိုင်ရာများနှင့် ကျေးရွာနေပြည်သူများ တွေ့ဆုံပွဲသို့ တက်ရောက်လာသည့် ကောင်းမှုတော်ကျေးရွာ ပြည်သူများအား စားသုံးသူကာကွယ်ရေးဆိုင်ရာ သိကောင်းစရာများကို အသိပညာပေးဟောပြောခဲ့ပါသည်။
မြို့နယ်တာဝန်ခံက စားသုံးသူရေးရာဦးစီးဌာနအကြောင်း မိတ်ဆက်ပြောကြားပြီး စားသုံးသူအခွင့်အရေးနှင့်တာဝန်များ၊ စားသုံးသူနစ်နာဆုံးရှုံမှု မဖြစ်ပေါ်စေရေးအတွက် ဈေးကွက်စောင့်ကြည့် စစ်ဆေးဆောင်ရွက်လျက်ရှိသည့်အခြေအနေများ၊ စားသုံးသူနစ်နာဆုံးရှုံမှုဖြစ်ပေါ်ပါက တိုင်ကြားနိုင်ခြင်းနှင့် စေ့စပ်ညှိနှိုင်းဖြေရှင်းဆောင်ရွက်ပေးမှုများ၊ အွန်လိုင်းတွင်ရောင်းဝယ်ခြင်းနှင့် ပတ်သက်၍ သတိပြု ဆောင်ရွက်ရမည့် အချက်များကို ဟောပြောဆွေးနွေးပါသည်။
တွေ့ဆုံပွဲတွင် ကြေးတိုင်နှင့်မြေစာရင်းဦးစီးဌာန မြို့နယ်ဦးစီးမှူး ဦးမျိုးသန့်နှင့် ဆည်မြောင်းနှင့်ရေအရင်းအမြစ်အသုံးချရေးဦးစီးဌာန၊ ဦးစီးအရာရှိ(ထိန်းသိမ်းရေး) ဦးတင်ထွန်းအောင်တို့ကလည်း ကျေးရွာလူထု သိသင့်သိထိုက်သည်များကို အသိပညာပေး ဟောပြောခဲ့ကြောင်းနှင့် ဟောပြောပွဲသို့ ကျေးရွာနေပြည်သူ ၁၈ ဦးတက်ရောက်ကြောင်း သိရပါသည်။