မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် (၂၂.၇.၂၀၂၂) ရက်နေ့တွင် မော်လမြိုင်မြို့ရှိ အ.မ.က(ဈေးကြိုဆန်တန်း) ကျောင်းနှင့် အ.မ.က(ဒေါင်းဇရပ်) ကျောင်းတို့တွင် စားသုံးသူကာကွယ်ရေးအသိပညာပေး ဟောပြောပွဲကျင်းပ ပြုလုပ်ခဲ့ပါသည်။
အဆိုပါဟောပြောပွဲတွင် ဦးစီးမှူး ဦးမင်းနောင်က စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်၊ စားသုံးသူတို့၏ အခွင့်အရေး (၈) ချက်နှင့် လိုက်နာရမည့်တာဝန် (၄) ချက်ကို လည်းကောင်း၊ စားသုံးသူများအနေနှင့် ကုန်စည်နှင့် ဝန်ဆောင်မှုအပေါ်နစ်နာဆုံးရှုံးလျှင် တိုင်ကြားနိုင်သည့်နည်းလမ်းနှင့် တိုင်ကြားနိုင်သည့်နေရာများ call center ဖြင့် တိုင်ကြားနိုင်မှုများ၊ ကျောင်းသား/ကျောင်းသူများ သိရှိနားလည်စေရန် စားသုံးရန် မသင့်သောအစားအသောက်များ အကြောင်း ဆိုးဆေးပါဝင်သော အစားအသောက်များ ရှောင်ကြဉ်စားသုံးကြရန် အသေးစိတ် ရှင်းလင်းဟောပြောခဲ့ပါသည်။ ဟောပြောပွဲသို့ ဆရာ/ဆရာမ (၆) ဦး၊ ကျောင်းသား/ကျောင်းသူ (၂၁၀) ဦးတက်ရောက်ခဲ့ကြောင်း သိရှိရပါသည်။
DOCA(မွန်)