စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့၊ မြန်မာ့မီးရထား ဘူတာ၌ ၂၀၂၂-ခုနှစ် ၊ ဇူလိုင်လ ၂၅ ရက်နေ့တွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးဦးစီးဌာန၊ ကန့်ဘလူမြို့နယ်တာဝန်ခံ ဦးမျိုးဝင်းသန်းက စားသုံးသူကာကွယ်ရေးအသိပညာပေးဟောပြောပွဲကို ပြုလုပ်ခဲ့ကြောင်းသိရသည်။ အဆိုပါဟောပြောပွဲတွင် မြို့နယ်တာဝန်ခံ ဦးမျိုးဝင်းသန်းမှ စားသုံးသူအခွင့်အရေး(၈)ချက်၊ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ လိုက်နာရမည့်အချက်များ၊ ဝန်ဆောင်မှုလုပ်ငန်းများနှင့် ပတ်သက်၍ သိရှိလိုက်နာဆောင်ရွက်ရမည့် အသိပညာဗဟုသုတများအား ဟောပြောဆွေးနွေးခဲ့ပြီး ကန့်ဘလူဘူတာမှ မီးရထားဝန်ထမ်း (၁၅)ဦးခန့် တက်ရောက်ခဲ့ကြကြောင်း သိရသည်။ ထို့နောက် တက်ရောက်လာကြသော မီးရထားဝန်ထမ်းများက သိလိုသည်များကို မေးမြန်းကြရာ မြို့နယ်တာဝန်ခံမှ ပြန်လည်ဖြေကြား၍ လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါသည်။
DOCA(စစ်ကိုင်း)