စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ပခုက္ကူခရိုင် ဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ စားသုံးသူရေးရာဌာနခွဲတာဝန်ခံနှင့် ဝန်ထမ်းသည် (၁၇.၆.၂၀၂၅)ရက်နေ့၊ နေ့လယ်(၁၅:၀၀)အချိန်တွင် ပခုက္ကူမြို့၊ နယ်စပ်ဒေသတိုင်းရင်းသားလူငယ်များ ဖွံ့ဖြိုးရေးသင်တန်းကျောင်း၌ စားသုံးသူကာကွယ်ရေး အသိပညာပေးဟောပြောပွဲ ကျင်းပခဲ့ရာ ပညာရေး နှင့်လေ့ကျင့်ရေးဦးစီးဌာန၊ ကျောင်းအုပ်ကြီး နှင့် ဆရာ/ဆရာမများ၊ သင်တန်းသား/သင်တန်းသူများ စုစုပေါင်း (၁၅၂)ဦး တက်ရောက်ခဲ့ကြောင်း သိရသည်။
အဆိုပါဟောပြောပွဲတွင် စားသုံးသူရေးရာဌာနခွဲတာဝန်ခံမှ ဌာန၏ဆောင်ပုဒ်၊ မျှော်မှန်းချက်၊ ရည်မှန်းချက်များ၊ ဌာန၏သမိုင်းကြောင်းနှင့် လုပ်ငန်းဆောင်ရွက်ချက်များ၊ စားသုံးသူ၏ အခွင့်အရေး နှင့်တာဝန်များ၊ စားသုံးသူကာကွယ်ရေးဥပဒေပါ အကြောင်းအရာများ၊ ကုန်စည်နှင့် ဝန်ဆောင်မှုများ ရွေးချယ်ဝယ်ယူအသုံးပြုရာတွင် လိုအပ်သောသတင်းအချက် အလက်များပြည့်စုံမှန်ကန်စွာ သိရှိခွင့်နှင့် ပြေစာ(သို့မဟုတ်)အထောက်အထား ရယူထားရှိခြင်းမှာ အရေးကြီးပါကြောင်း၊ နစ်နာဆုံးရှုံးမှုများ ဖြစ်ပေါ်ပါက ဌာနသို့တိုင်ကြားစေခြင်းဖြင့် ကုစားခွင့်များရရှိမှာဖြစ်ကြောင်း၊ စားသုံးသူကာကွယ်ရေး ဥပဒေအရကုန်စည်နှင့် ဝန်ဆောင်မှုကို တိုက်ရိုက်သုံးစွဲသူ ပြည်သူများ ရရှိခံစားရမည့်အကျိုးကျေးဇူး များအကြောင်းကိုလည်းကောင်း၊ မူဝါဒလေ့လာရေးနှင့် စီမံကိန်းစာရင်းအင်းဌာနခွဲမှ ဝန်ထမ်းက စားသုံးသူကာကွယ်ရေး ဥပဒေပါ အခန်း(၁၈)မှ ကုန်အညွှန်းအမှတ်အသားဖော်ပြချက်များ၊ တိုင်ကြား နိုင်သည့် ပုဂ္ဂိုလ်များ၊ တိုင်ကြား နိုင်သည့်နေရာများနှင့် Consumer Call Center (1535) သို့ဆက်သွယ် ၍လည်း စားသုံးသူရေးရာနှင့် ပတ်သက်၍ သိရှိလိုသည်များ ဆွေးနွေးမေးမြန်းခြင်း၊ တိုင်ကြားနိုင်ခြင်း စသည့်အကြောင်းအရာ များကိုလည်းကောင်း အသိပညာပေးဟောပြောခဲ့ကြောင်းသိရသည်။
DOCA(မကွေး)