National Enlightenment Institute –NEI နှင့် မော်လမြိုင်ကုန်စည်ဒိုင်အသင်းတို့ ပူးပေါင်း မှုအစီအစဉ်ဖြင့် လုပ်ငန်းခွင်ဝင်စွမ်းဆောင်ရည်မြှင့်တင်ရေးသင်တန်း အပတ်စဉ် (၅) ကို ၂၁.၇.၂၀၂၂ ရက်နေ့မှ ၂၅.၇.၂၀၂၂ ရက်နေ့ထိ သထုံမြို့နယ်၊ ဝါးပါးဆည်အနီး၊ ထောင်မှူးကျေးရွာရှိ Two Lakes Hotel တွင် (၅) ရက်တိုင်တိုင် ဖွင့်လှစ်ခဲ့သည်။
(၅) ရက်တာ လုပ်ငန်းခွင်ဝင်စွမ်းဆောင်ရည်မြှင့်တင်ရေးသင်တန်း အပတ်စဉ် (၅) သင်တန်းဖွင့်ပွဲသို့ မော်လမြိုင်ကုန်စည်ဒိုင်အသင်း၏ အလုပ်အမှုဆောင်များဖြစ်ကြသော ဦးခိုင်ဦး၊ ဦးမင်းဟန်ထွန်းတို့ပါအဝင် သင်တန်းနည်းပြများ၊ သင်တန်းသား/သင်တန်းသူ (၃၅) ဦးတက်ရောက် ခဲ့ကြောင်းသိရှိရသည်။
အဆိုပါ လုပ်ငန်းခွင်ဝင်စွမ်းဆောင်ရည်မြှင့်တင်ရေးသင်တန်းဖွင့်လှစ်ရခြင်းမှာ ကျေးလက် ဒေသနေလူငယ်များနှင့် အမျိုးသမီးများ၏ အလုပ်အကိုင်စွမ်းဆောင်ရည်ပိုမိုမြင့်တက်လာစေရန်နှင့် ဒေသ၏လူမှုစီးပွားရေးနှင့်ဖွံ့ဖြိုးမှုဆိုင်ရာလုပ်ငန်းနယ်ပယ်များတွင် ဦးဆောင်ဝင်ရောက် လုပ်ကိုင် လာစေရန် ရည်ရွယ်ကြောင်း သိရှိရသည်။
သင်တန်းတွင် သင်တန်းနည်းပြများနှင့် NEI မှ တာဝန်ရှိသူများက သင်တန်းကာလ (၅) ရက်တာကာလအတွင်း စီးပွားရေးဆိုင်ရာ စာတွေ့သင်ခန်းစာများ၊ လုပ်ငန်းခွင်ဝင်ဆိုင်ရာ စာတွေ့ သင်ခန်းစာများအား သင်ကြားခဲ့ကြပြီး ဘားအံမြို့နယ်ရှိ ကြက်ခြံမွေးမြူရေးလုပ်ငန်းများသို့ လေ့လာ ရေးခရီးစဉ်သွားရောက်ခဲ့ကြပြီး သင်တန်းနောက်ဆုံးအနေဖြင့် ၂၅.၇.၂၀၂၂ ရက်နေ့ သင်တန်း ဆင်းပွဲတွင် သင်တန်းပြီးမြောက်ကြောင်း အသိအမှတ်ပြုလက်မှတ်များ ချီးမြှင့်ပေးခဲ့ကြောင်း သိရှိရပါသည်။
DOCA(မွန်)