မြန်မာနိုင်ငံအိမ်ခြံမြေ၀န်ဆောင်မှုအသင်း (ဧရာ၀တီတိုင်းဒေသကြီး)အသင်းခွဲ၏ နှစ်ပတ်လည် အစည်းအဝေးကို ဇူလိုင်လ ၂၅ ရက်နေ့ မွန်းတည့် ၁၂:၀၀ နာရီမှာ ကျင်းပပြုလုပ်ရာ အသင်းနာယကများ အပါအဝင် အသင်းဥက္ကဌ ဦးသန့်ဇင်၊ ဒုဥက္ကဌနှင့် အတွင်းရေးမှူး၊ အလုပ်အမှုဆောင်များနှင့် အသင်းသားအသစ်များ စုစုပေါင်း (၄၀)ဦးခန့် တက်ရောက်ခဲ့ကြောင်း သိရသည်။
အစည်းအဝေးတွင် ဧရာ၀တီတိုင်းဒေသကြီး အသင်းဥက္ကဌ ဦးသန့်ဇင်မှ မိမိတို့တိုင်းဒေသကြီး ဖွံ့ဖြိုးတိုးတက်အောင် ဆောင်ရွက်ရာတွင် ပုဂ္ဂလိက စီးပွားရေးလုပ်ငန်းများ ဖွံ့ဖြိုးတိုးတက်ဖို့နှင့် အသင်းအဖွဲ့များအားကောင်းရန် လိုအပ်ကြောင်း၊ စီးပွားရေးလုပ်ငန်းများကို တစ်ဦးတစ်ယောက်တည်း ပြုလုပ်ခြင်းဖြင့် ထိုက်သင့်သလောက်သာ အောင်မြင်မှုများ ရရှိမှာဖြစ် သလို အသင်းအဖွဲ့များကို ခိုင်ခိုင်မာမာ ဖွဲ့စည်းထားရန် လိုအပ်ကြောင်း၊ မိမိတို့အသင်းကို ဧရာ၀တီတိုင်းဒေသကြီးကုန်သည်များနှင့် စက်မှုလက်မှုလုပ်ငန်းရှင်များအသင်း (ARCCI) မှာ အသင်း၀င်ထားသလို မြန်မာနိုင်ငံ အိမ်ခြံမြေ၀န်ဆောင်မှုအသင်း (ရန်ကုန်) ဗဟိုမှာလည်း အသင်း၀င်ဖြစ်ကြောင်း၊ ဧရာ၀တီတိုင်းဒေသကြီးအတွင်း သဘာ၀သယံဇာတ အရင်းအမြစ်များကို အသုံးပြုကာ စိုက်ပျိုးရေးကဏ္ဍကို အဓိကလုပ်ကိုင်လျှက်၊ မွေးမြူရေးလုပ်ငန်း၊ ရေလုပ်ငန်းကဏ္ဍများအပြင် မြေယာနှင့်ပတ်သက်၍လည်း နှစ်ရှည်သီးနှံစိုက်ပျိုးခြင်း၊ အထည်ချုပ်လုပ်ငန်းများ၊ ခရီးသွားလုပ်ငန်းများလည်း ဖွံ့ဖြိုးသော ဒေသကြီးဖြစ်သည့်အတွက် ပြည်တွင်း၊ ပြည်ပမှရင်းနှီးမြှုပ်နှံမှုများ ၀င်ရောက်လာပါက ဒေသအာဏာပိုင်၊ သက်ဆိုင်ရာ ဌာနဆိုင်ရာ များနှင့် မိမိတို့ အိမ်ခြံမြေ၀န်ဆောင်မှု အသင်းမှလည်း ပူးပေါင်းဆောင်ရွက်ရမှာ ဖြစ်ကြောင်း လက်ရှိအိမ်ခြံမြေ ရောင်း၀ယ်မှု စျေးကွက် အခြေအနေ ပင်လယ်ကမ်းခြေဒေသ စျေးကွက်၊ စက်မှုဇုန်စျေးကွက် အခြေအနေများနှင့် အသင်း၀င်ကြေးပေးဆောင်ရန် ကိစ္စရပ်များအား ဆွေးနွေးပြောကြား၍ တက်ရောက်လာသော အသင်းသူ၊ အသားများမှလည်း မိမိတို့ အသင်းကြီး ခိုင်မာစွာ ရေရှည်ရပ်တည်နိုင်ရေးနှင့် အကောင်းဆုံး ၀န်ဆောင်မှုပေးနိုင်ရေး ဝိုင်း၀န်းဆွေးနွေးခဲ့ပြီး အစည်းအဝေးကို နေ့လယ် (၁၄:၀၀)နာရီတွင် ရုတ်သိမ်းခဲ့ကြောင်း သိရသည်။
DOCA(ဧရာဝတီ)