စားသုံးသူရေးရာဦးစီးဌာန၊ချင်းပြည်နယ်ဦးစီးမှူးရုံးမှ ဝန်ထမ်းများသည် မြို့နယ်အထွေထွအုပ်ချုပ်ရေးဦးစီးဌာန၊ ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့ စသည့် ဆက်စပ်ဌာနများနှင့် ပူးပေါင်း၍ (၂-၈-၂၀၂၂)ရက်နေ့၊ နံနက် (၁၀:၀၀)နာရီအချိန်တွင် ဟားခါးမြို့ပေါ်ရှိ ကုန်စုံဆိုင်များတွင် (expire date) သက်တမ်းကုန်ပစ္စည်းများ ရှိ/မရှိ၊ မလေးရှားနိုင်ငံထုတ် (Gano) အမှတ်တံဆိပ်ဖြင့် သွားတိုက်ဆေး၊ ကော်ဖီ၊ ဖြည့်စွက်အစားအစာ စသည့် တရားဝင်ရောင်းချသည့်ပစ္စည်းများ မှန်ကန်မှု ရှိ/မရှိနှင့် (Mistine) အလှကုန်ပစ္စည်းများတွင် FDA ခွင့်ပြုချက် Halogram(ရောင်ပြန်)strickerနှင့် မြန်မာဘာသာ (labelling)များမပါဘဲ တရားမဝင် ဆင်တူယိုးမှား ဖြန့်ဖြူးရောင်းချခြင်း ရှိ/မရှိကို ကွင်းဆင်းစစ်ဆေးခဲ့ပါသည်။
ထိုသို့ ကွင်းဆင်းဆောင်ရွက်ရာတွင် စားသုံးသူရေးရာဦးစီးဌာနအနေဖြင့် ပြည်သူများ လုံခြုံ စိတ်ချရသော ကုန်စည်နှင့်ဝန်ဆောင်မှုများရရှိစေရရန် စားသုံးသူကာကွယ်ရေးဥပဒေဖြင့် အကာကွယ်ပေး ဆောင်ရွက်လျက်ရှိကြောင်း၊ စီးပွားရေးလုပ်ငန်းရှင်များ အနေဖြင့်လည်း ကုန်ပစ္စည်းများ ထုတ်လုပ်ခြင်း၊ ပြန်လည်ဖြန့်ဖြူးရောင်းချခြင်းများ ဆောင်ရွက်ရာတွင် ကုန်အညွှန်းအမှတ်အသား ပြည့်စုံစွာဖော်ပြရန် စားသုံးသူကာကွယ်ရေးဥပဒေ ၂၀၁၉၊ အခန်း(၁၈)တွင် ပြဋ္ဌာန်းပြီးဖြစ်ကြောင်း၊ စားသုံးသူရေးရာဦးစီးဌာနနှင့် ဆက်စပ်ဌာနများအနေဖြင့် တရားမဝင်ကုန်ပစ္စည်းများ ဈေးကွက် အတွင်းသို့ ဝင်ရောက်မှုမရှိစေရေး ဈေးကွက်စောင့်ကြည့် ကွင်းဆင်းစစ်ဆေးခြင်းလုပ်ငန်းများ လစဉ် ဆောင်ရွက်လျက်ရှိပါကြောင်းနှင့် ကုန်စုံဆိုင်ရောင်းချသူများအနေဖြင့်လည်း တရားမဝင်ကုန်ပစ္စည်း များ ဝင်ရောက်လာမှုမရှိစေရေး ဝိုင်းဝန်းတားဆီးဆောင်ရွက်သွားကြရန် ရှင်းလင်းဆွေးနွေးခဲ့ကြောင်း သိရှိရပါသည်။
DOCA(Chin)