စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ဇွန်လ ၂၁ ရက်နေ့ နံနက်ပိုင်းက တောင်ငူခရိုင်၊ ရေတာရှည်မြို့၊ မဟာဆန်စက်သို့ သွားရောက်၍ The General Administration of Customs of the People’s Republic of China (GACC) သတ်မှတ်ချက်များနှင့်အညီ ဆောင်ရွက်နိုင်ရန်နှင့် စားသုံးသူကာကွယ်ရေးဥပဒေ ပြဌာန်းချက်များနှင့်အညီ ဆောင်ရွက်နိုင်ရန် တွေ့ဆုံဆွေးနွေးခဲ့ပါသည်။
ခရိုင်ဦးစီးမှူးအား ဆန်စက်ပိုင်ရှင် ဦးဆန်းထူးလင်းက ဆန်စက်အတွင်း လုပ်ငန်းဆောင်ရွက်မှုအခြေအနေများ၊ ဆန်စပါးသိုလှောင်ထားရှိမှု၊ သန့်ရှင်းရေးဆောင်ရွက်ထားရှိမှုအခြေအနေများ ကိုလိုက်လံရှင်းလင်းပြသပြီး (GACC) မှတ်ပုံတင်လက်မှတ် ရရှိရန်အတွက် ကြိုတင်ပြင်ဆင်ဆောင် ရွက်ထားရမည့် အကြောင်းအရာများကို မေးမြန်းဆွေးနွေးပါသည်။
တရုတ်ပြည်သူ့သမ္မတနိုင်ငံသို့ ဆန်နှင့် ဆန်ထွက်ပစ္စည်းများတင်ပို့လိုသည့် ကုမ္ပဏီများသည် အဆင့်မီဆန်စက်ကြီးများနှင့် စာချုပ်ချုပ်ဆိုပြီး The General Administration of Customs of the People’s Republic of China (GACC) မှတ်ပုံတင်လက်မှတ်လျှောက်ထားနိုင်ရေး ဆောင်ရွက်လျက်ရှိရာ ဆန်စက်ကြီးများအနေဖြင့် ကုန်ကြမ်းနှင့်ကုန်ချော သိုလှောင်ရုံများ၊ စက်ရုံအတွင်း ကုန်ကြမ်းနှင့် ကုန်ချော ထားရှိမှုများ၊ လုပ်သားများ ကျန်းမာရေးနှင့် တစ်ကိုယ်ရေ သန့်ရှင်းရေးများကို Sanitary and Phytosanitary Protocol - SPS Protocol ပါ သတ်မှတ်ချက်များနှင့် ကိုက်ညီမှုစေရန် ဆောင်ရွက်ထားရန်၊ လုပ်ငန်းဆောင်ရွက်ရာတွင် စားသုံးသူနစ်နာဆုံးရှုံးမှု မဖြစ်စေရေးကို အလေးထားဆောင်ရွက်ရန် အကြံပြုဆွေးနွေးခဲ့ကြောင်း သိရပါသည်။
DOCA(ပဲခူး)