ပဲခူးတိုင်းဒေသကြီး ၊ သာယာဝတီခရိုင် ၊ ဇီးကုန်းမြို့နယ်ရှိ ကျေးရွာအုပ်စုများမှ ကျေးလက်နေ ပြည်သူများအား စိုက်ပျိုးရေး ၊ မွေးမြူရေးနှင့် ကုန်ထုတ်လုပ်မှု လုပ်ငန်းများအား အခြေခံ၍ ဇူလိုင်လမှ သြဂုတ်လ ပထမပတ်အထိ ကျေးရွာ ၁၀ရွာမှ တောင်သူ ၅၉၀ ဦးခန့်အား စားသုံးသူရေးရာဦးစီးဌာန ၊ စိုက်ပျိုးရေး ၊ ဆည်မြောင်း ၊ မြေစာရင်း ၊ ကျေးလက်ဦးစီးဌာနနှင့် သက်ဆိုင်ရာဌာနများ ပူးပေါင်း၍ အသိပညာပေး လုပ်ငန်းများ ဆောင်ရွက်ခဲ့ပါသည်။
စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် စာသုံးသူကာကွယ်ရေး ဥပဒေပါ စားသုံးသူများ၏ အခွင့်အရေးနှင့် တာဝန်များ ၊ စားသုံးသူများ၏ နစ်နာဆုံးရှုံးမှုများအား တိုင်ကြားနိုင်သည့် စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ (CICC) ရုံးများ ဖွင့်လှစ်ထားရှိမှု အခြေအနေများကို ဆွေးနွေးပြီး လက်ကမ်းစာစောင်များ ဖြန့်ဝေ ခဲ့ကြောင်း သိရှိရပါသည်။
DOCA(ပဲခူး)