ပခုက္ကူနှင့် ဂန့်ဂေါခရိုင်ဦးစီးမှူးရုံးမှ ၂၀၂၅ ခုနှစ်၊ ဇွန်လအတွင်း လုပ်ငန်းရှင်များနှင့်တွေ့ဆုံခြင်း ဆောင်ရွက်နိုင်မှုအခြေအနေ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် စားသုံးသူများ စားသုံးသူကာကွယ်ရေးဥပဒေအား သိရှိလိုက်နာစေရေး၊ စီးပွားရေးလုပ်ငန်းရှင်များအနေဖြင့် ဥပဒေပြဌာန်းချက်ပါကုန်အညွှန်းအမှတ်အသား ပြည့်စုံစွာထည့်သွင်း ဖော်ပြလာခြင်းဖြင့် စားသုံးသူများဘေးအန္တရာယ်များကင်းရှင်းပြီး ဈေးကွက်များ ပိုမိုရရှိစေရန် ရည်ရွယ်၍ လုပ်ငန်းရှင်တွေ့ဆုံခြင်းများကို စဉ်ဆက်မပြတ် ကွင်းဆင်းအသိပညာပေးလျက်ရှိပါသည်။ ပခုက္ကူခရိုင်အနေဖြင့် ၂၀၂၅ခုနှစ်၊ ဇွန်လအတွင်း ခရိုင်ဦးစီးမှူးမှဦးဆောင်၍ စားသုံးသူရေး ရာဌာနခွဲတာဝန်ခံ၊ ပခုက္ကူမြို့နယ်တာဝန်ခံနှင့်ဝန်ထမ်းများသည် ပခုက္ကူမြို့၊ အမှတ်(၃/၁၁) ရပ်ကွက် ရှိ မြေပဲဆုံဆီထုတ်လုပ်ဖြန့်ဖြူးရောင်းချသည့် လုပ်ငန်းရှင်များထံသို့ တွေ့ဆုံမှု(၅)ကြိမ်၊ ဆိပ်ဖြူမြို့၊ မြို့နယ်တာဝန်ခံအနေဖြင့် ဆိပ်ဖြူမြို့၊ တောင်ငယ်လုံးကျေးရွာရှိ မြေပဲဆုံဆီနှင့် အနောက်ပိုင်း ရပ်ကွက်ရှိ ဓာတ်မြေဩဇာရောင်းချသည့်လုပ်ငန်းရှင်များထံသို့ တွေ့ဆုံမှု(၂)ကြိမ်၊ ဂန့်ဂေါခရိုင်၊ မြို့နယ်တာဝန်ခံအနေဖြင့် မြောက်ကုန်းရပ်ကွက်ရှိ ပဲခွေကြော်လုပ်ငန်းရှင်တွေ့ဆုံမှု(၁)ကြိမ်၊ စုစုပေါင်းလုပ်ငန်းရှင်တွေ့ဆုံမှု(၈)ကြိမ် သွားရောက်တွေ့ဆုံပြီး အသိပညာပေးခြင်းဆောင်ရွက်ခဲ့ကြောင်း သိရှိရပါသည်။ DOCA(မကွေး)