စားသုံးသူရေးရာဦးစီးဌာန၊ မကွေးခရိုင်ဦးစီးမှူးရုံးမှ ဝန်ထမ်းများသည် (၇.၇.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် မကွေးမြို့၊ ရန်ကင်းဈေး၌ရောင်းချလျက်ရှိသော ကုန်စည်များအား၊ နမူနာဝယ်ယူ၍ Mobile Lab Van ဖြင့် ရှောင်တခင်စစ်ဆေးခြင်းကို အစားအသောက်နှင့်ဆေးဝါး ကွပ်ကဲရေးဦးစီးဌာန၊ စည်ပင်သာယာရေးအဖွဲ့တို့ဖြင့်ပူးပေါင်းဆောင်ရွက်ခဲ့ကြောင်း သိရသည်။
ထိုသို့ နမူနာဝယ်ယူစစ်ဆေးခဲ့သော ပုဇွန်၊ ပဲပြား၊ ပိတ်ဆွယ်၊ ပဲနီလေး၊ အရောင်တင်မှုန့်၊ နနွင်း မှုန့်၊ ငရုပ်သီးမှုန့်၊ ငါးခြောက်၊ ငပိ၊ မုန့်ဟင်းခါးဖတ်တို့၌ အစားအစာများတွင်သုံးစွဲရန် မသင့်သော ချွတ်ဆေးများ၊ တာရှည်ခံဆေးများ သုံးစွဲထားခြင်း ရှိ/ မရှိ Mobile Lab Van ဖြင့် စစ်ဆေးခဲ့ရာ သုံးစွဲရန် မသင့်သော ချွတ်ဆေးများနှင့် တာရှည်ခံဆေးများသုံးစွဲထားခြင်းမရှိကြောင်း စစ်ဆေးတွေ့ရှိရကြောင်း သိရှိရပါသည်။
DOCA(မကွေး)