သြစတေးလျယှဉ်ပြိုင်မှုနှင့် စားသုံးသူရေးရာကော်မရှင်အနေဖြင့် မိဘများက ၎င်းတို့၏ရင်သွေးငယ် များကို ဘေးကင်းလုံခြုံစွာ စောင့်ရှောက်မှုပေးနိုင်ရေးအစီအစဉ်အဖြစ် Your First Steps အမည်ဖြင့် www.babyproductsafety.gov.au Website ကို ၂၀၂၂ ခုနှစ် သြဂုတ်လ ၁ ရက်နေ့က စတင်မိတ်ဆက် ခဲ့ကြောင်းသိရပါသည်။ အဆိုပါ Website တွင် ရင်သွေးငယ်များအတွက် ရည်ရွယ်ထုတ်လုပ်သည့် ကုန်စည်များနဲ့ပတ်သက်ပြီး ဘေးကင်းလုံခြုံးရေးဆိုင်ရာ နောက်ဆုံးရ သတင်းအချက်အလက်များ၊ အကြံပြုချက်များကို ဖော်ပြထားပါသည်။ ကလေးကစားစရာများ၊ ကလေးသယ်ပိုးပစ္စည်းများ၊ ကလေး အိပ်စက်ရာတွင်အသုံးပြုသောပစ္စည်းများ၊ ကလေးရေချိုးရာတွင် အသုံးပြုသော ပစ္စည်းများနှင့် ပတ်သက်၍ လုံခြုံစိတ်ချရမှုရှိစေရေး စမ်းသပ်စစ်ဆေးခြင်းများနှင့်အကြုံပြချက်များကို လေ့လာနိုင်သကဲ့သို့ လုံခြုံ စိတ်ချရခြင်းမရှိသည့်အတွက် ပိတ်ပင်တားမြစ်ထားသော ကုန်စည်များအားအသိပေးခြင်းများကို အဆိုပါ Website တွင်လေ့လာနိုင်ကြောင်း သိရှိရသည်။
"မိဘများအနေနဲ့ ကိုယ့်ဘဝထဲကိုရောက်ရှိလာမယ့်ရင်သွေးငယ်အတွက် ကြိုတင်ပြင်ဆင်ရတာ စိတ်လှုပ်ရှားပျော်ရွှင်စရာကောင်းပါတယ်။ ဒါပေမယ့်မိဘတွေအနေနဲ့ ရင်သွေးလေးတွေအတွက် ဘယ်လို ပစ္စည်းမျိုးကိုရွေးချယ်ဝယ်ယူသင့်တယ်ဆိုတာကတော့ ခေါင်းရှုပ်စရာဖြစ်နေတာကိုတွေ့ရတယ်။ မိဘတွေ အနေနဲ့ ဘေးကင်းစိတ်ချရတဲ့ထုတ်ကုန်တွေကိုရွေးချယ်ဖို့နဲ့ ဒီထုတ်ကုန်တွေကို ဘေးကင်းလုံခြုံစွာ သုံးစွဲနည်းကိုသေချာသိနိုင်ဖို့ ခက်ခဲနိုင်ပါတယ်။ ရင်သွေးငယ်လေးတွေဟာ ကျွပ်တို့လူ့အသိုင်းအဝိုင်းမှာ အားနွဲ့သူလေးတွေဖြစ်ပါတယ်။ ဒါကြောင့် ဒီအစီအစဉ်ရဲ့အစိတ်အပိုင်းတစ်ရပ်အနေနဲ့ သူတို့ရဲ့ ရင်သွေးလေးတွေ ဘေးကင်းလုံခြုံစေရေး မိဘတွေကို အကူအညီပေးတာ ဖြစ်တယ်" လို့ ကော်မရှင်ရဲ့ ဒုတိယဥက္ကဌ Delia Rickard ကဆိုပါသည်။
နူးညံ့တဲ့အရုပ်ကလေးတွေ၊ ချိုလိမ်လေးတွေက ကလေးငယ်အတွက် ဘေးကင်းတယ်လို့ ဆိုကြသော်လည်း ကလေးငယ်ရဲ့ ပါးစပ်နဲ့ နှာခေါင်းကို ပိတ်ထားနိုင်တဲ့အတွက် အသက်ရှူရခက်စေတတ်ကြောင်း၊ ဒီလိုပဲ ကလေးအိပ်ကုတင်များ၊ကလေးကားထိုင်ခုံများ၊ ရေချိုးရာမှာအသုံးပြုတဲ့ ပစ္စည်းများကလည်း သတိထားရမယ့်ထဲမှာပါကြောင်း၊ ကလေးငယ်တွေကို ညီညာပြန့်ပြူးတဲ့ အိပ်ယာမှာ သာအိပ်စက်သင့်ကြောင်း၊ ကလေးအိပ်ယာနားမှာ နူးညံ့ပျော့ပျောင်းတဲ့ အရာဝတ္တု တွေထားရှိခြင်း၊ အလှ ဆင်ခြင်းသည် အန္တရာယ်မကင်းကြောင်း၊ ထုတ်ကုန်ဒီဇိုင်းအရဖြစ်စေ၊ တခြားအခြေ အနေကြောင့်ဖြစ်စေ၊ သုံးစွဲပုံစနစ်မကျ၍ဖြစ်စေ ကလေးငယ်အတွက် အန္တရာယ်ရှိနိုင်ကြောင်း၊ အန္တရာယ်မကင်းတဲ့ ထုတ်ကုန်တွေ တွေ့ရင် ACCC ကို သတင်းပို့ပေးရန် Ms Rickard က အသိပေးထားကြောင်း သိရှိရပါသည်။
အဆိုပါ Your First Steps Website သည် မိဘများနှင့် ရင်သွေးငယ်ပြုစုစောင့်ရှောက်သူများအတွက် လိုအပ်သောသတင်းအချက်အလက်များကို ပြည့်စုံစွာရရှိနိုင်မည့် ယုံကြည်စိတ်ချရသော အရင်းအမြစ်တစ်ခုဖြစ်သောကြောင့် ရင်သွေးငယ်များဘေးကင်းလုံခြုံစေရန် babyproductsafety.gov.au ကို ဝင်ရောက်ကြည့်ရှုလေ့လာကြဖို့ ACCC က တိုက်တွန်းထားကြောင်း သိရှိရပါသည်။
DOCA(စစ်ကိုင်း)