ပုသိမ်ခရိုင်၊ သာပေါင်းမြို့နယ်၊ စားသုံးသူရေးရာဦးစီးဌာနမှ မြို့နယ်ဦးစီးမှူးသည် (၆.၇.၂၅) ရက်နေ့တွင် မြို့နယ်ကျန်းမာရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မြို့နယ်စည်ပင်သာယာရေးအဖွဲ့၊ မွေးမြူရေးနှင့် ကုသရေးဦးစီးဌာနတို့နှင့် အတူ ကန်သာယာ(၂)လမ်းရှိ ဦးအောင်ဝင်း မုန့်ဟင်းခါး၊ ခေါက်ဆွဲလုပ်ငန်းသို့ ဈေးကွက်စောင့်ကြည့် စစ်ဆေးခဲ့ပါသည်။
ထိုသို့ ဈေးကွက်စောင့်ကြည့်စစ်ဆေးရာတွင် မုန့်လုပ်ငန်းတွင် အသုံးပြုသည့်ရေများ သန့်ရှင်းမှုရှိ/မရှိ၊ စွန့်ပစ်ရေဆိုးများ စနစ်တကျစွန့်ပစ်ရေး၊ သဘာဝပတ်ဝန်းကျင် အနံအသက် ကောင်းမွန်ရေး၊ မုန့်များကို နေ့ချင်းပြီးရောင်းချရေး၊ တာရှည်ခံဆေးများ အသုံးမပြုရေး၊ မုန့်ဖိုများသန့်ရှင်းသပ်ရပ်စေရေး၊ မီးကြွင်းမီးကျန်များ မကျန်ရှိစေရေးနှင့် မိုးတွင်းကာလဖြစ်သည့် အတွက် မုန့်ဖိုများ စနစ်တကျဆောင်ရွက်ရေး စသည့်ဖြင့် ဈေးကွက်စောင့်ကြည့်စစ်ဆေးခဲ့ပါသည်။
DOCA(ဧရာဝတီ)