ဘိုကလေးမြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံနှင့်ဝန်ထမ်းတို့သည် ရွှေမင်း ပူတင်းပေါင်မုန့်လုပ်ငန်းမှ ထုတ်လုပ်သောကုန်ပစ္စည်းများ ဈေးကွက်အတွင်း ထုတ်ကုန်လုံခြုံစိတ်ချရမှု ရှိစေရေးအတွက် ၂၀၂၂ခုနှစ်၊ သြဂုတ်လ (၇)ရက်နေ့ ၊နံနက်(၁၀:၀၀)နာရီအချိန်တွင်ကွင်းဆင်းစိစစ်ခဲ့ကြောင်းသိရှိရပါသည်။
အဆိုပါ ရွှေမင်းပူတင်းပေါင်မုန့်လုပ်ငန်းမှ ထုတ်လုပ်သောမုန့်တွင်ပါဝင်ပစ္စည်းဖြစ်သည့် ဂျုံ၊ သကြား၊ ဆား၊ ကြက်ဥ၊ ဟင်းသီးဟင်းရွက်ဆီ၊ ပွဆေး၊ သောက်ရေသန့်များပါဝင်ပြီးတစ်နေ့ထုတ်လုပ်မှု အနေဖြင့် ဘူးအရေအတွက်(၃၀၀မှ၄၅၀)အတွင်းနေ့စဉ်ထုတ်လုပ်လျက်ရှိပါသည်။ မုန့်တစ်ထုပ် လျှင် (၅) ခု ပါရှိပြီး မုန့်တစ်ထုပ်လျှင် (၅၅၀)ကျပ်နှုန်းဖြင့်ရောင်းချပြီး လက္ကားဈေးနှုန်းအနေဖြင့် (၅၀၀)ကျပ်နှုန်း ရောင်းပေးပါသည်။ ထိုလုပ်ငန်းတွင် လုပ်သား(၅)ဦးရှိပြီးတစ်ဦးလျှင် တစ်နေ့ (၃၅၀၀)ကျပ်နှုန်း ပေးရပြီး တစ်ပိုင်တစ်နိုင်လုပ်ကိုင်လျှက်ရှိပါသည်။ ဈေးကွက်အနေဖြင့် ဒေသတွင်းနှင့် ကဒုံကျေးရွာသို့သာ ဖြန့်ဖြူးရောင်းချပေးပါသည်။
ထိုနောက် မြို့နယ်တာဝန်ခံက ထုတ်လုပ်သောကုန်စည်နှင့်ပတ်သက်၍ စားသုံးသူကာကွယ်ရေး ဥပဒေပုဒ်မ(၄၁)(၄၃)အရ ကုန်အညွှန်းအမှတ်အသားဖော်ပြချက်များနှင့် မိမိတို့ထုတ်လုပ်သောကုန်စည် တွင် စားသုံးသူစိတ်ကျေနပ်မှုရှိစေရေး၊ လုပ်ငန်းခွင်တွင်သန့်ရှင်းသပ်ရပ်မှုရှိစေရေး၊ ဈေးနှုန်းဈေးကွက် အခြေအနေနှင့် ထုတ်ကုန်လုံခြုံစိတ်ချရမှု ရှိစေရေးတို့အတွက် ရှင်းလင်းဆွေးနွေးခဲ့ကြောင်း သတင်းရရှိပါသည်။
DOCA(ဧရာဝတီ)