ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင်၊ ရေကြည်မြို့နယ် တာဝန်ခံရုံးမှ ဒေါ်ချယ်ရီမြင့်သည် ဩဂုတ်လ ၁၉ ရက်တွင် ရေကြည်မြို့၊ ယိုးဒယားတက် ကျေးရွာရှိ ကရေကရာလုပ်ငန်းရှင် အားတွေ့ဆုံပြီး စားသုံးသူကာကွယ်ရေးနှင့် ပတ်သက်သော နည်းဥပဒေများကို ရှင်းလင်းဆွေးနွေးခဲ့သည်။
ထိုသို့ဆွေးနွေးရာတွင် ကုန်စည်အုပ်စု(၈)ခုအနက် အုပ်စု(က)ဖြစ်သော အစားအသောက် ကုန်စည်အုပ်စုတွင်ပါဝင်သော စားသောက်ကုန်များကို အမျိုးအမည်၊ အရွယ်အစား၊ အရေ အတွက်နှင့် အသား တင်ပမာဏ၊ ထားသိုသိမ်းဆည်းပုံအညွှန်းတို့ကို မြန်မာဘာသာဖြင့် မဖြစ်မနေဖော်ပြရန်လိုအပ်ကြောင်း၊ဈေးကွက်အတွင်းဖြန့်ဖြူးရောင်းချနေသည့်စားသောက်ကုန် အမျိုးမျိုးတို့ကို အမျိုးအစားအလိုက် ကုန်အညွှန်းအမှတ်အသားဖော်ပြရာတွင် ပါဝင်ပစ္စည်းများကို တိကျစွာ မြန်မာဘာသာဖြင့် ဖော်ပြရမည်ဖြစ်ကြောင်း၊ အသားတင်ပမာဏနှင့် အရွယ်အစားတို့အား မြန်မာအလေးချိန်ယူနစ် ဖြစ်သော ပိဿာ/ ကျပ်သားတို့ဖြင့်သာ ဖော်ပြရမည်ဖြစ်ကြောင်း၊ စီးပွားရေးလုပ်ငန်းရှင်များအနေနှင့် ကုန်အညွှန်းအမှတ် အသားဖော်ပြရာတွင် ကိုက်ညီမှုရှိ၊မရှိကို စားသုံးသူရေးရာဦးစီးဌာနတွင် တင်ပြ လျှောက်ထားရန်နှင့် ကုန်အညွှန်းအမှတ်အသားရရှိပြီးမှသာလျှင် ဈေးကွက်တွင်ဖြန့်ဖြူး ရောင်းချရမည် ဖြစ်ကြောင်း၊ ညွှန်ကြားချက်များကို တိကျစွာလိုက်နာဆောင်ရွက်မှုမရှိပါက စားသုံးသူကာကွယ်ရေး ဥပဒေအရ ပြစ်မှု/ ပြစ်ဒဏ်များကျခံရမည်ဖြစ်ကြောင်း အသိပညာပေးဆွေးနွေးခဲ့ကြောင်း သိရှိ ရပါသည်။
DOCA(ဧရာဝတီ)