မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်မြို့နယ် တာဝန်ခံနှင့် ဝန်ထမ်းများသည် ၂၃.၈.၂၀၂၂ ရက်နေ့တွင် အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့ တို့ပါဝင်သော ပူးပေါင်းအဖွဲ့ဖြင့် မော်လမြိုင်တက္ကသိုလ်ဝင်းအတွင်းရှိ စားသောက်ဆိုင် (၉) ဆိုင်၊ စတိုးဆိုင် (၂)ဆိုင်၊ စုစုပေါင်း ဈေးဆိုင် (၉) ဆိုင်အား ဈေးကွက်စောင့်ကြည့် စစ်ဆေးခြင်း ဆောင်ရွက်ခဲ့ပါသည်။
ထိုသို့ ဈေးကွက်စောင့်ကြည့်စစ်ဆေးခြင်း ဆောင်ရွက်ရာတွင် စားသောက်ဆိုင်များမှာ သန့်ရှင်းမှု ရှိ/မရှိ၊ ကျန်းမာရေးနှင့်ညီညွတ်မှု ရှိ/မရှိ၊ အမှိုက်များကို စနစ်တကျ စွန့်ပစ်ခြင်း ရှိ/မရှိ၊ စတိုးဆိုင်များ၌ ရောင်းချနေသော ပစ္စည်းများမှာ ထုတ်ကုန်လုံခြုံစိတ်ချရမှုရှိ/မရှိ၊ ကုန်အညွှန်းအမှတ်အသား ပြည့်စုံစွာဖော်ပြပါရှိခြင်း ရှိ/မရှိ စစ်ဆေးခဲ့ပြီး ပီကေသကြားလုံး၊ ငါးပိဗူး၊ အချိုရည် စုစုပေါင်း ကုန်ပစ္စည်း (၃) မျိုးအား စားသုံးရန် သင့်/မသင့် ဓာတ်ခွဲစမ်းသပ်ရန် နမူနာပုံစံ ရယူခဲ့ကြကြောင်း သိရှိရပါသည်။
DOCA(မွန်)