ဧရာဝတီတိုင်းဒေသကြီး၊ စားသုံးသူရေးရာဦးစီးဌာနမှ ဖျာပုံမြို့နယ်စစ်ဆေးရေးမှူးသည် မြို့နယ်ရဲတပ်ဖွဲ့မှ ဒုတိယ မြို့နယ်ရဲမှူးနှင့် ရဲတပ်ဖွဲ့တို့ ပူးပေါင်း၍ ဩဂုတ်လ(၂၃)ရက်နေ့ ၊နံနက်(၁၀:၀၀)နာရီတွင် အထက်တန်း ကျောင်းများဖြစ်သည့်(အထက-၂)၊(အထက-၃)၊(အထက-၄)ရှိကျောင်းမုန့်ဈေးတန်းများနှင့် ကျောင်း ပတ်ဝန်းကျင်ရှိ ဆေးနှင့် ဆေးပစ္စည်းအရောင်းဆိုင်များအား ရှောင်တခင်ကွင်းဆင်းစစ်ဆေးခဲ့ကြောင်း သိရသည်။
အဆိုပါကျောင်းမုန့်ဈေးတန်းတွင် မုန့်မျိုးစုံများတွင် ကုန်အညွှန်းအမှတ်အသားပြည့်စုံမှုရှိ/မရှိ နှင့် တားမြစ်ထားသော စားသောက်ကုန်ပစ္စည်းများရောင်းချခြင်းရှိ/မရှိ ၊ကျောင်းပတ်ဝန်းကျင်အနီးရှိ ဆေးဆိုင်များအားဆရာဝန်ညွှန်ကြားချက်မပါပဲ ဆေးဝါးများမရောင်းချရန်၊ တားမြစ်ထားသော ဆေးဝါးများနှင့်စပ်ဆေးများရောင်းချခြင်းရှိ/မရှိတို့ကို စစ်ဆေးခဲ့ပြီးအသိပညာပေး လုပ်ငန်းများအား ဆောင်ရွက်ခဲ့ကြောင်းသိရသည်။
DOCA(ဧရာဝတီ)