ဟင်္သာတခရိုင်သည် နှစ်စဉ် မိုးစပါးစိုက်ဧက ၅၃၂၃၀၇ ၊နွေစပါးစိုက်ဧက ၃၈၈၈၀ နှင့် ပဲမျိုးစုံ စိုက်ဧက ၆၁၁၅၀၃ နှစ်စဉ်စိုက်ပျိုးလျက်ရှိပြီး၊ ပြည်တွင်းကုန်သွယ်မှုဖွံ့ဖြိုးရေးအနေဖြင့် ထွက်ရှိလာသော ဆန်၊ပဲမျိုးစုံတို့ကို ဒေသတွင်း စားသုံးမှု့ဖူလုံရုံသာမက ပိုလျှံသည့် ကုန်စည်များကိုလည်း နှစ်စဉ်တိုင်း/ပြည်နယ်များနှင့်ပြည်ပသို့ တင်ပို့လျက်ရှိနေပါသည်။
ယခုနှစ်တွင် ဧရာဝတီတိုင်းဒေသကြီးအစိုးရအဖွဲ့လမ်းညွှန်ချက်နှင့်အညီ ပြည်ပသွင်းကုန် အစားထိုးသီးနှံများ စိုက်ပျိုးထုတ်လုပ်နိုင်ရေး ပြည်တွင်းစားသုံးဆီဖူလုံရေးနှင့် စားသုံးသူ ပြည်သူများ ဈေးနှုန်းသက်သာစွာ ဝယ်ယူစားသုံးနိုင်ရေးနှင့် ပြည်ပမှတင်သွင်းနေရသည့် စားသုံးဆီ တင်သွင်းမှု လျော့ကျစေရန်အတွက် ဆီထွက်သီးနှံနေကြာ တိုးချဲ့စိုက်ပျိုးလျက်ရှိရာ လာမည့်ဆောင်းရာသီတွင် စိုက်ပျိုးရန်မျိုးအတွက် မြန်အောင်မြို့နယ်တွင် မိုးနေကြာ ၁၃၀၀ဧက၊ ကြံခင်းမြိုနယ်တွင် ၁၀၀၀ဧက နှင့်အင်္ဂပူမြို့နယ်တွင် ၇၀၀ဧက စုစုပေါင်း ဧက ၃၀၀၀ ရာနှုန်းပြည့် စိုက်ပျိုး ပြီးစီးကြောင်း တိုင်းဒေသကြီးစိုက်ပျိုးရေးဦးစီးဌာနမှ သိရသည်။
DOCA(ဧရာဝတီ)