စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် စားအုန်းဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီကို ဖွဲ့စည်းကာ ပြည်ပမှတင်သွင်းလာသည့် စားအုန်းဆီများ သတ်မှတ်အရည်အသွေး စံချိန်စံညွှန်းများနှင့်ပြည့်မီစေရေး၊ စားသုံးသူပြည်သူများ ကျန်းမာရေးနှင့် ညီညွှတ်သော စားသုံးဆီများ သုံးစွဲနိုင်ရေး၊ ဈေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေးတို့အတွက် ကြီးကြပ်ထိန်းကျောင်းဆောင်ရွက်လျှက်ရှိသည့်အပြင် လုပ်ငန်းကြီးကြပ်ကော်မတီအနေဖြင့် စားအုန်းဆီ၊ ကမ္ဘာ့ဈေးနှုန်း ဖြစ်ပေါ်ပြောင်းလဲမှုနှင့်အညီပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေး ထိန်းကျောင်းဆောင်ရွက်လျှက်ရှိပြီး စားအုန်းဆီအဓိကထုတ်လုပ်တင်ပို့သည့် မလေးရှားနိုင်ငံနှင့်အင်ဒိုနီးရှားနိုင်ငံတို့တွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညွှန်းဈေးနှုန်းကို အပတ်စဉ်ထုတ်ပြန် ပေးလျှက်ရှိပါသည်။
စားအုန်းဆီတင်သွင်းသိုလှောင် ဖြန့်ဖြူးခြင်းလုပ်ငန်း ကြီးကြပ်ရေးကော်မတီ၏ (၂၂.၈.၂၀၂၂) ရက်နေ့မှ (၂၈.၈.၂၀၂၂)ရက်နေ့ထိ အပတ်စဉ်ရည်ညွှန်းဈေးနှုန်းများအရ လက်ကားရည်ညွှန်းဈေးမှာ တစ်ပိဿာလျှင်(၄၈၆၀)ကျပ်ဖြစ်ပြီး စားအုန်းဆီတင်သွင်းသည့် ကုမ္ပဏီများမှ သက်ဆိုင်ရာဒေသအလိုက် ဆီကုန်သည်တစ်ဦးချင်းသို့ တိုက်ရိုက်ရောင်းချပေးသည့်အစီအစဉ်အရ ၂၀၂၂ ခုနှစ်၊ ဇွန်လတွင် စားအုန်းဆီပီပါအလုံးရေ (၅၁၀၁)ပီပါ၊ ပိဿာချိန်(၅၆၁၁၁၀)ပိဿာ၊ ၂၀၂၂ ခုနှစ်၊ ဇူလိုင်လတွင်(၆၇၅၄)ပီပါ၊ ပိဿာ ချိန်(၇၄၂၉၄၀)ပိဿာ၊ ၂၀၂၂ ခုနှစ် ဩဂုတ်လ(၁၇) ရက်နေ့အထိ စားအုန်းဆီပီပါ (၅၅၃၃)ပီပါ၊ ပိဿာချိန် (၆၀၈၆၃၀)ပိဿာတို့ဖြင့် စားအုန်းဆီများ ခွဲဝေရောင်းချပေးခဲ့ပါသည်။
၂၀၂၂ခုနှစ်၊ဇွန်လတွင် ပခုက္ကူမြို့၌ တစ်ပိဿာလျှင် (၅၈၁၅)ကျပ်၊ တောင်တွင်းကြီးမြို့တွင် (၅၆၄၅)ကျပ်၊ ချောက်မြို့တွင် (၅၆၄၅)ကျပ်၊ အောင်လံမြို့၌ (၅၆၄၅)ကျပ်၊ နတ်မောက်မြို့တွင် (၅၈၁၅)ကျပ်၊ မကွေးမြို့တွင် (၅၆၄၅)ကျပ်၊ သရက်မြို့တွင် (၅၆၄၅)ကျပ်ဖြင့် ရောင်းချပေးလျှက်ရှိပြီး ၂၀၂၂ခုနှစ်၊ ဇူလိုင်လတွင် တောင်တွင်းကြီးမြို့၌ (၅၁၀၀)ကျပ်၊ ချောက်မြို့၌ (၄၆၅၀)ကျပ်၊ တောင်တွင်းကြီးမြို့၌ (၃၆၆၅)ကျပ်၊ အောင်လံမြို့၌ (၃၆၆၅)ကျပ်၊ ၂၀၂၂ခုနှစ် ဩဂုတ်လတွင် ပခုက္ကူမြို့၌ (၅၁၀၀)ကျပ်၊ မကွေးမြို့တွင် (၅၁၀၀) ကျပ်၊ ချောက်မြို့တွင် (၄၁၄၀)ကျပ်၊ တောင်တွင်းကြီးမြို့တွင် (၄၁၄၀)ကျပ်တို့ဖြင့် စားအုံးဆီတင်သွင်းသည့် ကုမ္ပဏီများမှ လက်ကားကုန်သည်များသို့ ဖြန့်ဖြူးပေးခဲ့ပြီး လက်ကားကုန်သည်များမှ စားအုန်းဆီများကို ရန်ကုန်အထိုင်ဈေး ရည်ညွှန်းလက်ကားဈေးနှုန်းအပေါ် သယ်ယူပို့ဆောင်ခ ကုန်ကျစရိတ်များထပ်ပေါင်း၍ (၂)ရာခိုင်နှုန်း အမြတ်ထက်မပိုသောဈေးနှုန်းဖြင့် ဈေးကွက်အတွင်းသို့ပြန်လည်ဖြန့်ဖြူး ရောင်းချပေးခဲ့ခြင်းဖြစ်ပြီး လက်လီဈေးကွက်အတွင်း ဖြစ်သင့်ဖြစ်ထိုက်သည့် ဈေးနှုန်းများဖြင့်ရောင်းချစေရေး၊ ဈေးနှုန်းအဆမတန် မြှင့်တင်ရောင်းချခြင်းများ မပြုလုပ်စေရေးတို့အတွက် မကွေးတိုင်းဒေသကြီး စားသုံးသူရေးရာ ဦးစီးဌာနအနေဖြင့် ကွင်းဆင်းကြပ်မတ်ဆောင်ရွက် လျှက်ရှိကြောင်းသိရှိရပြီး ဈေးကွက် အတွင်း ယခုလက်ရှိပြင်ပ၌ ရောင်းချလျှက်ရှိသော စားအုန်းဆီဈေးနှုန်းများမှာ လက်ကားတစ်ပိဿာလျှင် (၁၁၀၀၀)ကျပ်၊ လက်လီဈေး တစ်ပိဿာလျှင် (၁၂၀၀၀)ကျပ်နှုန်းဖြင့် ရောင်းချ လျှက်ရှိကြောင်းလည်း သိရှိရပါသည်။
DOCA (မကွေး)