မွန်ပြည်နယ် စားသုံးသူရေးရာဦးစီးဌာနမှ ဝန်ထမ်းများသည် ဩဂုတ်လ (၂၇) ရက်နေ့ နံနက် (၁၁:၀၀) နာရီအချိန်တွင် စားအုန်းဆီဈေးကွက်အတွင်းဖြစ်သင့်ဖြစ်ထိုက်သည့် ဈေးနှုန်းများဖြင့် ရောင်းချစေရေး၊ ဈေးနှုန်းအဆမတန် မြှင့်တင်ရောင်းချမှုများ မပြုလုပ်စေရေးတို့အတွက် ပြည်ပမှ စားအုန်းဆီများတင်သွင်းသည့် ကုမ္ပဏီများမှဝယ်ယူ၍ မွန်ပြည်နယ် ကျိုက်ထိုမြို့နယ်အတွင်း စားအုန်းဆီလက်လီလက်ကား ရောင်းချလျှက်ရှိသည့် ဆေးရုံအနောက်လမ်း ကံကော်ရပ်ကွက်ရှိ စားအုန်းဆီအရောင်းဆိုင်သို့ကွင်းဆင်းကြပ်မတ်ဆောင်ရွက်ခဲ့ကြောင်း သိရှိရပါသည်။
လက်ရှိအချိန်တွင် ကျိုက်ထိုမြို့နယ်အတွင်း စားအုန်းဆီဈေးနှုန်း မြှင့်တက်လျှက်ရှိသော်လည်း ယခုရောင်းချလျှက်ရှိသော စားအုန်းဆီ လက်ကားရည်ညွှန်းဈေးမှာ တစ်ပိဿာလျှင် (၄၄၀၀) ကျပ်ဈေးဖြင့် ရောင်းချပေးလျှက်ရှိသောကြောင့် စားသုံးသူပြည်သူများအနေဖြင့် ပြင်ပပေါက်ဈေးနှုန်းထက်လျှော့နည်းသက်သာစွာဝယ်ယူနိုင်ခဲ့ကြောင်း သိရှိရပါသည်။
DOCA(မွန်)