ပဲခူးတိုင်းဒေသကြီးအတွင်း စားသုံးသူကာကွယ်ရေးလုပ်ငန်းများကို ပိုမိုထိရောက်အောင်မြင်စွာ အကောင်အထည်ဖော်ဆောင်ရွက်နိုင်ရေး ၊ ထုတ်ကုန်လုံခြုံစိတ်ချရမှုရှိစေရေးနှင့် စားသုံးသူအငြင်းပွားမှု ကိစ္စရပ်များ၊ စားသုံးသူထိခိုက်နစ်နာဆုံးရှုံးမှုများ အောင်မြင်စွာ စေ့စပ်ဖြေရှင်းဆောင်ရွက်နိုင်ရေး ရည်ရွယ်၍ တိုင်းဒေသကြီး စားသုံးသူရေးရာကော်မတီ လုပ်ငန်းညှိနှိုင်း အစည်းအဝေး (၅/၂၀၂၂) ကို(၃၁.၈.၂၀၂၂) ရက်နေ့၊ နံနက် (၁၀:၀၀) နာရီအချိန်တွင် ပဲခူးတိုင်းဒေသကြီး စားသုံးသူ ရေးရာဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ပါသည်။
အဆိုပါ အစည်းအဝေးတွင် ပဲခူးတိုင်းဒေသကြီးအစိုးရအဖွဲ့ ၊ စီးပွားရေးရာဝန်ကြီးမှ ယခု ကာလ အတွင်း စားသောက်ကုန်များဈေးနှုန်းမြင့်တက်နေသည့်အတွက် စားသုံးသူပြည်သူများ စားဝတ်နေရေး ခက်ခဲနေသည့်အချိန်တွင် ပဲခူးတိုင်းဒေသကြီး အစိုးရအဖွဲ့၏ လမ်းညွှန်ကြီးကြပ်မှုဖြင့် တိုင်းဒေသကြီး ၊စားသုံးသူရေးရာဦးစီးဌာနမှ သက်ဆိုင်ရာ အသင်းအဖွဲ့များနှင့် ပူးပေါင်း၍ ဆန်နှင့်ဆီအား သက်သာသော ဈေးနှုန်းဖြင့် ရပ်ကွက် ၊ ကျေးရွာများအတွင်း လှည့်လည်ရောင်းချပေးသည့်အတွက် ဝမ်းသာကြောင်း၊ အဖွင့်အမှာစကားပြောကြားခဲ့ပြီး ၊ ပဲခူးတိုင်းဒေသကြီး ၊ စားသုံးသူရေးရာဌာနခွဲ တာဝန်ခံက စားသုံးသူ ရေးရာကိစ္စရပ်များနှင့် စပ်လျဉ်း၍ ဆောင်ရွက်နေမှု အခြေအနေများကို အမှာစာ (၄) စောင်ဖြင့် Power Point ထိုး၍ ရှင်းလင်းတင်ပြခဲ့ပြီး ၊ ဌာနခွဲ တာဝန်ခံ၏ ရှင်းလင်းဆွေးနွေးချက်များအပေါ် ကော်မတီ အဖွဲ့ဝင်များမှ ပြန်လည်ဆွေးနွေးခဲ့ပါသည်။ ထို့နောက် ပဲခူးတိုင်းဒေသကြီး အစိုးရအဖွဲ့ ၊ စီးပွားရေးရာ ဝန်ကြီးမှ နိဂုံးချုပ်အမှာစကားပြောကြားပြီး အစည်းအဝေး ကို (၁၁:၃၀) တွင် ရုတ်သိမ်းခဲ့ပါသည်။
အဆိုပါ အစည်းအဝေးသို့ တိုင်းဒေသကြီးစားသုံးသူကော်မတီ ဒုဥက္ကဋ္ဌနှင့် အဖွဲ့ဝင်များ၊ တိုင်းရုံးမှ ဌာနခွဲ တာဝန်ခံများ၊ တက်ရောက်ခဲ့ကြပြီး အစည်းအဝေးတွင် ဆုံးဖြတ်ချက် (၄) ချက်ချမှတ်နိုင်ခဲ့ ကြောင်း သိရှိရပါသည်။
DOCA(ပဲခူး)