ဧရာဝတီတိုင်းဒေသကြီး ၊ စားသုံးသူရေးရာဦးစီးဌာန လပွတ္တာခရိုင် ၊လပွတ္တာမြို့နယ်တာဝန်ခံ ဦးမြင့်ဌေးသည် (၆.၉.၂၀၂၂) ရက်နေ့ နံနက်(၀၉:၀၀) နာရီက မြို့နယ်စည်ပင်သာယာရေးအဖွဲ့၊ မြို့နယ်မွေးမြူရေးနှင့်ကုသရေးဦးစီးဌာနတို့ ဦးဆောင်သောအဖွဲ့ဖြင့်လိုက်ပါ၍ အမှတ်(၇)ရပ်ကွက် နန္ဒဝန်ဈေးရှိ အသား/ငါးရောင်းချနေသော ဈေးသို့ကွင်းဆင်းစစ်ဆေးခဲ့ပါသည်။
ထိုသို့ကွင်စစ်ဆေးရာတွင် မြို့နယ်တာဝန်ခံဦးမြင့်ဌေးမှ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသာ စားသုံးသူကာကွယ်ရေးဥပဒေ ၂၀၁၉ ပါပြဌာန်းချက်များအရ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအား ရှင်းလင်းပြောကြားပြီး၊ မွေးမြူရေးနှင့်ကုသရေးဦးစီးဌာန၏ ဥပဒေများအရ ရောင်းချနေသော အသား/ငါးများတွင် ပိုးမွှားအန္တရာယ်ကင်းစင်ပြီး လတ်ဆတ်သော အသားငါး များရောင်းချနိုင်ရေး၊ အသားငါးထုတ်လုပ်ရောင်းချသူများ လိုက်နာဆောင်ရွက်ရမည့် အချက်များ ပါဝင်သည့် အသိပညာပေးလက်ကမ်းစာစောင်များအား ဈေးသည်များသို့ ဖြန့်ဝေပေးခဲ့ပြီး စားသုံးသူရေးရာဦးစီးဌာန၏ စားသုံးသူကာကွယ်ရေးဥပဒေပါ ထုတ်လုပ်ရောင်း စီးပွားရေးလုပ်ငန်းရှင် များ လိုက်နာဆောင်ရွက်ရမည့်စည်းကမ်းချက်များအား ရှင်းလင်းဆွေးနွေးစစ်ဆေး ဆောင်ရွက်ခဲ့ ကြောင်း သိရှိရပါသည်။
DOCA(ဧရာဝတီ)