စားသုံးသူရေးရာဦးစီးဌာန၊ ရုံးချုပ် နေပြည်တော်တွင် ကျင်းပပြုလုပ်မည့် ကျပန်းစကားပြောပြိုင်ပွဲသို့ ဝင်ရောက်ယှဉ်ပြိုင်နိုင်ရေး တိုင်းဒေသကြီးအဆင့် ကြိုတင်ပြင်ဆင်လေ့ကျင့်ခြင်း အခမ်း အနားသို့ ၂၀၂၂ခုနှစ်၊ စက်တင်ဘာလ (၁၂)ရက်နေ့ နံနက်(၁၀:၃၀)နာရီအချိန်တွင် မကွေးတိုင်းဒေသကြီး၊ စားသုံးသူရေးရာဦးစီးဌာန တိုင်းဒေသကြီးဦးစီးမှူးရုံး အစည်းအဝေးခန်းမ၌ ကျင်းပပြုလုပ်ခဲ့ရာ ဒုတိယ တိုင်းဒေသကြီးဦးစီးမှူး ဒေါ်အေးအေးမိုးမှ အဖွင့်အမှာစကားပြောကြားခဲ့ပြီး ပြိုင်ပွဲဝင် စုစုပေါင်း (၆)ဦးနှင့်တကွ အရာထမ်း/ အမှုထမ်း စုစုပေါင်း (၄၅)ဦး တက်ရောက်ခဲ့ကြရာ ပခုက္ကူခရိုင်ဦးစီးမှူး ရုံးအနေဖြင့် Online System တစ်ခုဖြစ်သော Zoom application ဖြင့် ဝင်ရောက်ယှဉ်ပြိုင်ခြင်းများ ပြုလုပ်ခဲ့ကြကြောင်း သိရှိရပါသည်။
အဆိုပါပြိုင်ပွဲတွင် “ပြည်သူ့အတွက် စားသုံးသူရေးရာကဏ္ဍ” ဟူသော ခေါင်းစဉ်ဖြင့် ဦးစီးအရာရှိ ဒေါ်အေးမဥ္ဇူခိုင်နှင့် ဒု-ဦးစီးမှူး ဒေါ်ပပရွှေတို့မှ လည်းကောင်း၊ “ပြည်သူအများ စားသုံးသူအခွင့်အရေး သိရှိဖို့” ဌာနပုံရိပ်မြှင့်တင်စို့ ခေါင်းစဉ်ဖြင့် ဦးစီးမှူး ဦးမျိုးဝင်း၊ ဒု-ဦးစီးမှူး ဒေါ်နွယ်နွယ်အေးနှင့် အကြီးတန်းစာရေး ဒေါ်ဆုလပြည့်ဝင်းတို့မှ လည်းကောင်း၊ “စားသုံးသူများ ဘေးအန္တရာယ်ကင်းရှင်းဖို့ ဈေးကွက်စောင့်ကြည့်စစ်ဆေးစို့” ခေါင်းစဉ်ဖြင့် ဒု-ဦးစီးမှူးများဖြစ်ကြသော ဒေါ်ဖြူသီခိုင်နှင့် ဦးဟာခေါဂေတို့မှလည်းကောင်း ဝင်ရောက်ယှဉ်ပြိုင် ခဲ့ကြကြောင်း သတင်းရရှိပါသည်။
ဆက်လက်၍ စားသုံးသူရေးရာဦးစီးဌာနမှ ဒုတိယတိုင်းဒေသကြီးဦးစီးမှူး ဒေါ်အေးအေးမိုးနှင့် တကွ အကဲဖြတ်အမှတ်ပေး ဒိုင်လူကြီးမင်းများဖြစ်ကြသော ခရိုင်ဦးစီးမှူးများ၊ ဦးစီးအရာရှိများ၊ အရာထမ်းအမှုထမ်း ဝန်ထမ်းများမှ ပြိုင်ပွဲဝင်များ၏ ယှဉ်ပြိုင်မှုများအပေါ် ပြန်လည်သုံးသပ်မှုများ ပြုလုပ်၍ အကဲဖြတ်အမှတ် ပေးခြင်းများ ပြုလုပ်ခဲ့ပြီး အမှားအယွင်းမရှိ ကောင်းမွန်စွာ ယှဉ်ပြိုင်နိုင်ကြ ရေးအတွက် လိုအပ်ချက်များအပေါ် လမ်းညွှန်မှာကြားမှုများပြုလုပ်ကာ အခမ်းအနားအား (၁၂:၃၀)နာရီ အချိန်တွင် ရုပ်သိမ်းခဲ့ကြောင်း သတင်းရရှိခဲ့ပါသည်။
DOCA(မကွေး)