ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ ဖျာပုံမြို့နယ်စစ်ဆေးရေးမှူးသည် အစားအသောက်နှင့်ဆေးဝါးကြီးကြပ်ရေးကော်မတီနှင့်အတူ စက်တင်ဘာလ(၁၂)ရက်နေ့ နံနက်(၁၀:၀၀)နာရီအချိန်တွင် မြို့ပေါ်ရှိဆေးဝါးအရောင်းဆိုင်များသို့ သွားရောက်၍ စံမမီဆေးဝါးများနှင့် တားမြစ်ထားသော တရားမဝင်ဆေးဝါးများ ရောင်းချခြင်းရှိ/မရှိ ကွင်းဆင်းစစ်ဆေးခဲ့ပါသည်။
အဆိုပါဆေးဝါးဆိုင်များအား စစ်ဆေးရာတွင် စံမမီဆေးဝါးများနှင့်တားမြစ်ထားသောတရားမဝင်ဆေးဝါးများရောင်းချခြင်းမရှိကြောင်းစိစစ်တွေ့ရှိရသည်။ Mask ၊ Hand Gel ( လက်သန့်ဆေး ရည်) ၊ လက်အိတ်၊ အရက်ပြန်စသည့်ဆေးဝါး ဆက်စပ်ပစ္စည်းဈေးနှုန်းများ၊ ကိုဗစ်-၁၉ဆေးဝါး(၃၈) မျိုးအရောင်းဈေးနှုန်းများစစ်ဆေးခဲ့ပြီး ဈေးနှုန်းမမြင့်မာရေး၊ ဆေးဝါးသိုလှောင်ထားရှိမှုမရှိစေရေး ၂၀၁၉ ခုနှစ်၊ စားသုံးသူကာကွယ်ရေးဥပဒေပါ ပြဌာန်းချက်များနှင့် လုပ်ငန်းရှင်များ လိုက်နာရမည့် အချက်များကိုရှင်းလင်းခြင်း၊ ၂/၂၀၁၉ အရ ကုန်စည်အမျိုးအစားအလိုက် ကုန်အညွှန်းအမှတ်အသား များပြည့်စုံမှုရှိ/မရှိ စစ်ဆေးခြင်းများဆောင််ရွက်ခဲ့ကြောင်းသိရသည်။
DOCA(ဧရာဝတီ)