၂၀၂၂ ခုနှစ်၊ ဩဂုတ်လ ၂၂ ရက်နေ့တွင် ကျင်းပပြုလုပ်သည့် လုပ်ငန်းလမ်းညွှန်ချက်အစည်း အဝေး၏ လမ်းညွှန်ချက်များအရ “လုပ်ငန်းအသစ်ဖြစ်ပြီး စီးပွားရေးလုပ်ငန်းခိုင်မာစွာပြဌာန်းနိုင်ခြင်း မရှိသည့် ကုမ္ပဏီများအတွက်မြေပြင်စစ်ဆေးရေးအဖွဲ့များဖြင့် စိစစ်ပြီးမှသာ ခွင့်ပြုသွားရန်” လမ်းညွှန် ခဲ့မှုအပေါ် စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ၁၁.၉.၂၀၂၂ ရက်နေ့မှ ၁၅.၉.၂၀၂၂ နေ့ထိမြေပြင်ကွင်းဆင်းစစ်ဆေးမှုများ ပြုလုပ်ခဲ့ကြောင်း သိရှိရပါသည်။
ယင်းသို့ကွင်းဆင်းဆောင်ရွက်မှုတွင် ခရိုင်ဦးစီးမှူးနှင့် ဝန်ထမ်းများသည် ကုမ္ပဏီ တည်ထောင်ထားမှုနှင့် ပတ်သက်၍ ပို့ကုန်သွင်းကုန်လုပ်ငန်းရှင်မှတ်ပုံတင် လျှောက်ထားသည့် ကုမ္ပဏီများစိစစ်ရေးအဖွဲ့မှ စိစစ်မည့်ပုံစံတွင် ပါရှိသည့်အချက်များဖြစ်သော ကုမ္ပဏီအမည်၊ ရုံးခန်းလိပ်စာ၊ ဒါရိုက်တာအဖွဲ့ ဝင်များ၏ မှတ်ပုံတင်နှင့် နေရပ်လိပ်စာ၊ ကုမ္ပဏီရုံးခန်းလိပ်စာတွင် အမှတ်တကယ်ဖွင့်လှစ်ထားခြင်း ရှိ/ မရှိနှင့် အမှန်တကယ်နေထိုင်မှု ရှိ/မရှိ ၊ အဖွဲ့ဝင်များ နေထိုင် သည့် အဆောက်အဦးအမျိုးအစားနှင့် ပိုင် ဆိုင်မှုအခြေအနေ၊ ယခင်က ကုမ္ပဏီတည်ထောင် ခဲ့ခြင်း ရှိ/မရှိ၊ ကုမ္ပဏီမှလျှောက်ထားမှုလုပ်ငန်းနှင့် လက်ရှိမြေပြင်တွင် ဆောင်ရွက်နေသည့် လုပ်ငန်း အခြေအနေ၊ ဆောင်ရွက်သည့်လုပ်ငန်း၏ ရင်းနှီးမြှုပ်နှံမှုပမာဏ၊ ကုမ္ပဏီ၏ ပတ်ဝန်းကျင် အနေအထား စသည့်အချက်အလက် (၁၁)ချက်ကို သတ်မှတ်ပုံစံ အတိုင်းစိစစ်ခဲ့ရာခရိုင်အတွင်းရှိ မြို့နယ် (၁၄) မြို့နယ်မှ ကုမ္ပဏီပေါင်း (၅၅)ခုကို မြေပြင်ကွင်းဆင်း ဆောင်ရွက်ခဲ့ကြောင်း သိရှိရပါ သည်။
DOCA(ရန်ကုန်)