ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးများနှင့် ဝန်ထမ်းများသည် ၂၀၂၂ခုနှစ်၊ စက်တင်ဘာလ (၁၄)ရက်နေ့၊ နံနက် (၁၀:၀၀)နာရီအချိန်တွင် ကျိုင်းတုံမြို့မဈေးအတွင်းရှိ အခြေခံစားသောက်ကုန်ရောင်းချသည့် ကုန်စုံဆိုင် (၈)ဆိုင်အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။
ဈေးကွက်စောင့်ကြည့်ခြင်းအနေဖြင့် ကျိုင်းတုံမြို့မဈေးအတွင်းရှိ ကုန်စုံဆိုင်များတွင် အခြေခံ စားသောက်ကုန်များဖြစ်သည့် ကော်ဖီမျိုးစုံ၊ ဘီစကစ်မုန့်မျိုးစုံနှင့် ပြည်တွင်းထုတ်ခေါက်ဆွဲခြောက်များစသည့်တို့ကို စစ်ဆေးရာတွင် သက်ဆိုင်ရာဌာနများ၏ ထောက်ခံချက်များပါရှိပြီး အသားတင် အလေးချိန်၊ ထုတ်လုပ်သည့်ရက်၊ ကုန်ဆုံးသည့်ရက်၊ မြန်မာစာဖြင့်ကုန်အညွှန်းအမှတ်အသားဖော်ပြပါရှိသည်ကို စစ်ဆေးတွေ့ရှိရပါသည်။ အခြေခံစားသောက်ကုန်များအနေဖြင့် ဈေးနှုန်းအနည်းငယ် မြှင့်တက်လျက်ရှိရာ ယင်းသို့ဈေးနှုန်းမြှင့်တက်ရခြင်းမှာ ပင်ရင်းကိုယ်စားလှယ်ရုံးခွဲမှ မှာယူရာတွင် ဈေးနှုန်းမြှင့်နေခြင်းကြောင့်ဖြစ်ကြောင်းသိရှိရပါသည်။
ဆက်လက်၍ ကုန်စုံဆိုင်ပိုင်ရှင်များအား သက်တမ်းလွန် စားသောက်ကုန်များနှင့် သက်ဆိုင်ရာဌာနများမှ တားမြစ်ထားသော စားသောက်ကုန်များကို ရောင်းချခြင်းမပြုရန်၊ ကုန်အညွှန်းအမှတ်အသားပြည့်စုံစွာဖော်ပြထားသော စားသောက်ကုန်များကိုသာရောင်းချရန်၊ စားသုံးသူကာကွယ်ရေး ဥပဒေအခန်း(၁၈)ပါ “ကုန်အညွှန်းအမှတ်အသားဖော်ပြခြင်း” ၊ အခန်း(၉)ပါ “စားသုံးသူ၏အခွင့်အရေးနှင့် တာဝန်များ”နှင့် အခန်း(၁၀)ပါ “စီးပွားရေးလုပ်ငန်းရှင်၏တာဝန်များ” သိရှိလိုက်နာဆောင် ရွက်နိုင်စေရန်အတွက် အသိပညာပေးဆွေးနွေးခြင်းများ ဆောင်ရွက်ခဲ့ပါသည်။
DOCA(ရှမ်း)