ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင်၊ သာပေါင်းမြို့နယ်မှ မြို့နယ်တာဝန်ခံနှင့် ဝန်ထမ်းများသည် သာပေါင်းမြို့နယ် မွေး/ကုရုံး၌ စက်တင်ဘာ ၁၆ရက် မနက် (၁၀:ဝဝ) နာရီတွင် မွေးမြူရေးလုပ်ငန်းရှင် ၁၄ဦး တို့အား စားသုံးသူကာကွယ်ရေးဆိုင်ရာ အသိပညာပေး ဟောပြောဆွေးနွေးခဲ့ကြောင်း သိရပါသည်။
ဆွေးနွေးဟောပြောရာတွင် မြို့နယ်တာဝန်ခံမှ အဖွင့်အမှာစကားပြောကြားပြီး စားသုံးသူများ သိသင့်သိထိုက်သော အခွင့်အရေးများနှင့် စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များကို ရှင်းလင်းပြောကြားခဲ့ပါသည်။ ထို့အပြင် စီးပွားရေးလုပ်ငန်းရှင်များ၏ တာဝန်များ၊ စားသုံးသူများနစ်နာမှု နှင့်စပ်လျဉ်း၍ တိုင်းကြားမှုများအား ဖြေရှင်းဆောင်ရွက်ပေးရသည့် အခြေအနေများကိုပါရှင်းလင်း ဆွေးနွေးဟောပြောခဲ့ပါသည်။
ထို့နောက် တက်ရောက်လာကြသော လုပ်ငန်းရှင်များ၏ သိလိုသမျှမေးခွန်းတို့အား ပြန်လည် ဖြေကြားပေးခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA(ဧရာဝတီ)