ဘီးလင်းမြို့နယ်၊ ဝင်းပြန်ကျေးရွာရှိ “ကောင်းပြည့်” ယိုမျိုးစုံလုပ်ငန်း လုပ်ငန်းရှင်နှင့် တွေ့ဆုံအသိပညာပေးဆွေးနွေး

     မွန်ပြည်နယ်၊ စားသုံးသူရေးရာဦးစီးဌာန၊ ကျိုက်ထိုခရိုင်၊ ဘီးလင်းမြို့နယ်တာဝန်ခံရုံးမှ ဝန်ထမ်းများသည် (၁၉.၉.၂၀၂၂) ရက်နေ့တွင် ဘီးလင်းမြို့နယ်၊ ဝင်းပြန်ကျေးရွာရှိ မိသားစုတစ်နိုင်တစ်ပိုင် လုပ်ငန်းဖြစ်သော “ကောင်းပြည့်” ကတွတ်ယိုလုပ်ငန်း၊ လုပ်ငန်းရှင်နှင့်တွေ့ဆုံဆွေးနွေးခဲ့ပါသည်။

     တွေ့ဆုံဆွေးနွေးရာတွင် ဒေါ်ဇင်ဖြူဝင်း ဦးစီးမှူးမှ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ လိုက်နာရမည့်တာဝန်နှင့် အချက်အလက်များ၊ ကုန်အညွှန်းအမှတ်အသား ဆိုင်ရာများ၊ စည်းမျဉ်းစည်းကမ်းများကိုရှင်းလင်းဆွေးနွေးပြောကြားပြီး “ကောင်းပြည့်” ကတွတ်ယို လုပ်ငန်းနှင့်ပတ်သက်၍ သိရှိလိုသည်များ မေးမြန်းရာတွင် လုပ်ငန်းရှင် ဦးအောင်ထွန်းကြည်မှ ယခု မိုးရာသီတွင် ကုန်ကြမ်းသီးနှံဖြစ်သော ကတွတ်သီးများ လှိုင်လှိုင်ပေါ်ချိန်ဖြစ်၍ ကတွတ်ယိုများကို ထိုးကာ လှောင်ထားပြီး လက်လီ၊ လက်ကားရောင်းချလျက်ရှိသည်။ အဓိကအားဖြင့် တင်ပို့ရောင်းချရာတွင် ကျိုက်ထို၊ ကျိုက်ထီးရိုး၊ ကင်မွန်းစခန်းသို့ တင်ပို့ရောင်းချရပြီး ရန်ကုန်၊ တောင်ကြီး၊ မကွေးနှင့် ကျိုက္ခမီ၊ စက်စဲသို့တွင် လက်ကားတင်ပို့ရောင်းချရကြောင်း တစ်နှစ်ပတ်လုံး ကတွတ်ယို ပိဿာချိန် (၁၀၀၀၀) ခန့် ထုတ်လုပ်တင်ပို့နိုင်ပြီး ယခုကာလတွင်မူ သကြားဈေးများတက်ခြင်း၊ ကုန်ဈေးနှုန်းမြင့်မား နေခြင်းတို့ကြောင့် အရောင်းအဝယ်မှာ ယခင်ထက်နည်းပါးနေကြောင်း သိရှိရပါသည်။ ထို့နောက် ကတွတ်ယိုတွင် ပါဝင်ပစ္စည်းများအကြောင်း မေးမြန်းရာတွင် ဓါတုဆေးဝါးများ၊ တာရှည်ခံဆေးများ လုံးဝသုံးထားခြင်းမရှိကြောင်း သိရှိရပါသည်။

DOCA(မွန်)