၂၀၂၂ ခုနှစ်၊ စက်တင်ဘာလ ၁၉ ရက်နေ့တွင် AANZFTA CAP II အရ How to be an agile regulator ခေါင်းစဉ်ဖြင့် Regional Webinar ကို Virtual စနစ်ဖြင့် ကျင်းပခဲ့ပြီး အာဆီယံ အတွင်းရေးမှူးချုပ်ရုံးမှ တာဝန်ရှိသူများ၊ AANZFTA Consumer Affairs Program ဆိုင်ရာတာဝန်ရှိသူများ၊ Australian Competition and Consumer Commission (ACCC) မှ တာဝန်ရှိသူများ၊ အာဆီယံ အဖွဲ့ဝင်နိုင်ငံများမှ တာဝန်ရှိသူများ တက်ရောက်ခဲ့ကြပါသည်။ အဆိုပါ Webinar သို့ အာဆီယံ စားသုံးသူကာကွယ်ရေးကော်မတီ ဥက္ကဋ္ဌဖြစ်သူ မြန်မာနိုင်ငံစားသုံးသူကာကွယ်ရေးကော်မရှင် အဖွဲ့ဝင်၊ ညွှန်ကြားရေးမှူးချုပ်၊ မူပိုင်ခွင့်ဦးစီးဌာန ဒေါက်တာမိုးမိုးသွယ်က ဦးဆောင်၍ စားသုံးသူရေးရာဦးစီး ဌာနမှ တာဝန်ရှိသူများက ရုံးအမှတ် (၅၂) မှနေ၍ တက်ရောက်ခဲ့ကြပါသည်။ အဆိုပါ Webinar တွင် အစိုးရအေဂျင်စီများအနေဖြင့် Digital Transformation နှင့် ကိုဗစ်-၁၉ ရောဂါကူးစက်ပျံ့နှံ့မှု အခြေအနေတို့ကြောင့် ဖြစ်ပေါ်ပြောင်းလဲလျက်ရှိသည့် ဈေးကွက်ပုံစံအသစ်များအပေါ် လျင်မြန်စွာ တုံ့ပြန်နိုင်ရေးနှင့် အဆိုပါဈေးကွက်များကို စုံစမ်းဖော်ထုတ်ရာတွင် နည်းစနစ်ကျသည့်ဆုံးဖြတ်ချက်များ ချမှတ်နိုင်ရေးအတွက် စွမ်းဆောင်ရည် တည်ဆောက်မှုဆိုင်ရာ နည်းလမ်းအမျိုးမျိုးနှင့်စပ်လျဉ်း၍ ဆွေးနွေးခဲ့ကြပါသည်။