ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ မအူပင်မြို့နယ်တာဝန်ခံ ဦးအောင်ဇော်ဦး နှင့် ဝန်ထမ်းများသည် ၂၀.၉.၂၀၂၂ ရက်နေ့ နံနက်(၀၈:၀၀) အချိန်တွင် မအူပင်မြို့နယ် အမှတ် (၈)ရပ်ကွက် ပေါက်တောလမ်း ဓမ္မာရုံကျောင်းရှေ့၌ ဆန်(၁)ပြည် ၁၅၀၀/-ကျပ်၊ ဆီ ၅၀သားလျှင် ၂၅၀၀/-ကျပ်၊ ဆား ၅၀ကျပ်သား တစ်ထုတ်လျှင် ၂၀၀/- နှင့် ကြက်ဥ (၆)လုံးလျှင် ၁၀၀၀/- သက်သာသောဈေးနှုန်းနှင့် ရောင်းချပေးနေမှုများအား သွားရောက်စစ်ဆေးကြပ်မတ်ခြင်းများ ဆောင်ရွက်ခဲ့ပါသည်။
အဆိုပါ အခြေခံစားသောက်ကုန်များ ဈေးနှုန်းသက်သာစွာဖြင့် ရောင်းချမှုတွင် အထွေထွေ အုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ ပြန်ကြားရေးနှင့်ပြည်သူ့ ဆက်ဆံရေး ဦးစီးဌာန၊ စည်ပင်သာယာရေးအဖွဲ့၊ မအူပင်မြို့နယ် ဆန်စက်လုပ်ငန်းရှင်များအသင်း၊ မအူပင်မြို့နယ် ဆီကုန် သည်များနှင့် ရပ်ကျေးအုပ်ချုပ်ရေးမှူးနှင့် ရပ်မိရပ်ဖများသည် စားသုံးသူပြည်သူများ အဆင်ပြေ ချောမွေ့စွာ ဝယ်ယူအားပေးနိုင်ရန်အတွက် လိုအပ်သလို ပူးပေါင်းဆောင်ရွက်ခဲ့ကြပါသည်။
အလားတူ မအူပင်ခရိုင်အတွင်းရှိ၊ ပန်းတနော်မြို့နယ်၊ ဓနုဖြူမြို့နယ်များတွင်လည်း (၁၉.၉.၂၀၂၂) နေ့တွင် အခြေခံစားသောက်ကုန်များ ဈေးနှုန်းသက်သာစွာဖြင့် ရောင်းချမှု ဆောင်ရွက်ခဲ့ပြီး စားသုံးသူရေးရာဦးစီးဌာန၊ မြို့နယ်တာဝန်ခံများနှင့် ဝန်ထမ်းများ ပူးပေါင်းဆောင်ရွက် ခဲ့ကြကြောင်း သတင်းရရှိပါသည်။
DOCA(ဧရာဝတီ)