မွန်ပြည်နယ်၊ စားသုံးသူရေးရာဦးစီးဌာနမှ ဝန်ထမ်းများသည် ၂၀၂၂ ခုနှစ် စက်တင်ဘာလ ၁၉ ရက်နေ့ နံနက်ပိုင်းတွင် မြင်သာထေရဝါဒ ဘုန်းတော်ကြီးသင် ပညာရေးကျောင်း(ဘ/က)၌ ဘီးလင်းမြို့နယ် စားသုံးသူကာကွယ်ရေး အသိပညာပေးဟောပြောဆွေးနွေးပွဲအား ကျင်းပခဲ့ရာ တာဝန်ခံ ကျောင်းဆရာမကြီးနှင့်အတူ ဆရာ၊ ဆရာမ(၉)ဦး ကိုရင်၊ သီလရှင်နှင့် ကျောင်းသား၊ ကျောင်းသူ (၁၁၉) ဦး တက်ရောက်ခဲ့ကြောင်း သိရှိရပါသည်။
ဆွေးနွေးပွဲ၌ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ဇင်ဖြူဝင်း ဦးစီးမှူးက ဌာန၏ မျှော်မှန်းချက်၊ ရည်မှန်းချက်နှင့် လုပ်ငန်းဆောင်ရွက်မှုအခြေအနေအား ဟောပြောဆွေးနွေးခြင်း၊ ဒုတိယဦးစီးမှူး ဦးညီလွင်အေးမှ စားသုံးသူကာကွယ်ရေးဥပဒေ (၂၀၁၉) ပါစားသုံးသူအခွင့်အရေးနှင့် တာဝန်များအကြောင်း ဆွေးနွေးပြီး ဆက်လက်၍ ဒုတိယဦးစီးမှူး ဦးစည်သူမှ စားသုံးသူကာကွယ်ရေး ဥပဒေအခန်း (၁၈) ကုန်အညွှန်းအမှတ်အသားဖော်ပြခြင်းအကြောင်းအရာများအား ဆွေးနွေးခြင်းများ ဆောင်ရွက်ခဲ့ကြောင်း သိရပါသည်။
ဆွေးနွေးပွဲအပြီးတွင် ကျောင်းသား၊ ကျောင်းသူများအား အမေး၊ အဖြေပြုလုပ်၍ ဌာန၏ လက်ကမ်းစာစောင်များ ပေးအပ်ခဲ့ပါကြောင်း သိရှိရပါသည်။
DOCA(မွန်)