ပဲခူးတိုင်းဒေသကြီး၊ စားသုံးသူရေးရာဦးစီးဌာနသည် တောင်ငူခရိုင်ဦးစီးမှူးဦးဆောင်သောအဖွဲ့သည် စားသုံးသူပြည်သူများ စားသုံးသူကာကွယ်ရေးဆိုင်ရာ အသိပညာဗဟုသုတများ ရရှိစေရန်အတွက် စက်တင်ဘာလ ၂၁ ရက်နေ့ နံနက်ပိုင်းက တောင်ငူမြို့နယ် လဲဘူးကျေးရွာ၊ မိုးကုတ်ဓမ္မရိပ်သာ ဓမ္မာရုံ၌ ကျေးရွာသူကျေးရွာသားများအား စားသုံးသူကာကွယ်ရေးဆိုင်ရာများကို ဟောပြောခဲ့ပါသည်။
ဟောပြောပွဲတွင် ခရိုင်ဦးစီးမှူး ဦးမျိုးအောင်က အဖွင့်အမှာစကားပြောကြားပြီး စားသုံးသူရေးရာဦးစီးဌာန ပေါ်ပေါက်လာပုံနှင့် စားသုံးသူရေးရာဦးစီးဌာန၏ ဆောင်ရွက်ချက်များကို ရှင်းလင်း ပြောကြားပြီး မြို့နယ်တာဝန်ခံ ဦးမြင့်သူက စားသုံးသူ၏ အခွင့်အရေးနှင့်တာဝန်များ၊ ကုန်စည်များ ဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်ရှုသင့်သည့် အကြောင်းများနှင့် စားသုံးသူနစ်နာဆုံးရှုံးမှုများဖြစ်ပေါ်ပါက တိုင်ကြားနိုင်သည့် အကြောင်းများကိုလည်းကောင်း၊ ခရိုင်ဦးစီးမှူးရုံးမှ စားသုံး/ထုတ်လုံဌာနခွဲတာဝန်ခံ ဦးမင်းဇော်က ဈေးကွက်အတွင်းကွင်းဆင်း၍ ဈေးကွက်စောင့်ကြည့်စစ်ဆေးခြင်း ဆောင်ရွက်မှုများကိုလည်းကောင်း ရှင်းလင်းဟောပြောကြ ပါသည်။
ဆက်လက်၍ တက်ရောက်လာသူများက သိရှိလိုသည်များကို မေးမြန်းရာ ခရိုင်ဦးစီးမှူးနှင့် မြို့နယ်တာဝန်ခံတို့က ပြန်လည်ဖြေကြားခဲ့ကြောင်းနှင့် ဟောပြောပွဲသို့ ကျေးရွာနေပြည်သူ ၁၈၀ ဦးတက်ရောက်ကြောင်း သိရှိရပါသည်။
DOCA(ပဲခူး)