ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံးအနေဖြင့် စားသုံးသူပြည်သူများ ကုန်အညွှန်းအမှတ်အသားများ ပြည့်စုံမှန်ကန်စွာဖေါ်ပြမှုရှိသည့် ကုန်စည်များကို ရွေးချယ်ဝယ်ယူသုံးစွဲနိုင်ရေး၊ ကုန်စည်/ ဝန်ဆောင်မှုတို့ကို ရယူသုံးစွဲရာတွင် စားသုံးသူတို့၏ အခွင့်အရေးများအား အပြည့်အဝရရှိနိုင်စေရေး၊ စားသုံးသူကာကွယ်ရေးဆိုင်ရာ အသိပညာဗဟုသုတများ ကျယ်ကျယ်ပြန့်ပြန့်သိရှိနိုင်စေရေး ရည်ရွယ်၍ ပြည်ခရိုင်၊ ပြည်မြို့ရှိ သူနာပြုနှင့် သားဖွားသင်တန်းကျောင်းခန်းမတွင် စက်တင်ဘာလ (၂၀)ရက်နေ့၌ ပြည်ခရိုင်ဦးစီးမှူး၊ စားသုံးသူရေးရာဌာနခွဲတာဝန်ခံနှင့် ဝန်ထမ်းများသည် သူနာပြုနှင့် သားဖွားသင်တန်းသူ/ သင်တန်းသား (၁၉၅)ဦးအား စားသုံးသူကာကွယ်ရေးအသိပညာပေး ဟောပြောဆွေးနွေးခြင်းဆောင်ရွက်ခဲ့ပါသည်။
အဆိုပါ ဟောပြောပွဲတွင် ခရိုင်ဦးစီးမှူးနှင့် စားသုံးသူဌာနခွဲတာဝန်ခံတို့မှ စားသုံးသူကာကွယ်ရေးဉပဒေပါ စားသုံးသူတို့အခွင့်အရေးများ၊ လိုက်နာရမည့် တာဝန်များ၊ ကုန်အညွှန်းအမှတ်အသား ရေးသားဖေါ်ပြခြင်းဆိုင်ရာ ပြဌာန်းချက်များ၊ နစ်နာဆုံးရှုံးမှုများအတွက် တိုင်ကြားနိုင်သည့် နည်းလမ်းများ၊ တိုင်ကြားနိုင်သည့် ဖုန်းနံပါတ်များ၊ ပြစ်မှု၊ ပြစ်ဒဏ်များအကြောင်းစသည့် အချက်များအား အသိပပညာပေးပြောကြားခဲ့ပြီး စားသုံးသူကာကွယ်ရေးအသိပညာပေး လက်ကမ်းစာစောင်များလည်း ဖြန့်ဝေပေးခဲ့ကြောင်း သတင်းရရှိပါသည်။
DOCA(ပဲခူး)