ရှမ်းပြည်နယ်(မြောက်ပိုင်း)၊လားရှိုးမြို့အတွင်းနှင့် မြို့အနီးအနားရှိ ကျေးရွာများတွင် တစ်ပိုင်တစ်နိုင် မိသားစုဝင်ငွေရရှိရန်အတွက်သော်လည်းကောင်း၊ စီးပွားဖြစ်အတွက်သော်လည်းကောင်း၊ ပြောင်းများ စိုက်ပျိုးနေကြကြောင်း သိရှိရပါသည်။ ဒေသခံအချို့မှာ တစ်ပိုင်တစ်နိုင်အဖြစ် ရှမ်းပြောင်း နှင့် သကြား ပြောင်းများကို ဖူးစားပြောင်းများအဖြစ် စိုက်ပျိုးကြပြီး အချို့မှာ စီးပွားဖြစ် ဝက်စား ပြောင်း(CP)ပြောင်းများကို စိုက်ပျိုးကြကြောင်း သိရှိရပါသည်။ သကြားပြောင်းကို တစ်ဖူးလျှင် ငါးရာ ကျပ် နှုန်းဖြင့် ရောင်းချကြပြီး ရှမ်းပြောင်းများကိုမူ တစ်ဖူးလျှင် နှစ်ရာကျပ်နှုန်းဖြင့် ရောင်းချကြောင်း သိရှိရပါသည်။ သကြားပြောင်းများကို အကြော်ကြော်ရာတွင်လည်းကောင်း၊ မာလာဟင်း၊ မာလာရှမ်းကော များနှင့် အခြားရိုးရာဟင်းပွဲများ ချက်ပြုတ်ရာတွင်လည်းကောင်း အများအပြား အသုံးပြုကြကြောင်း သိရှိ ပါသည်။ ဒေသပြောင်း(ခ) ရှမ်းပြောင်း မျိုးများကို အပင်မှ အဖူးများတွင် အရင့်ထားကာ မျိုးယူ၍ စိုက်ပျိုး ကြပြီးဖူးစားပြောင်းများကိုမူ ကုမ္ပဏီများမှ တံဆိပ်အမျိုးမျိုးဖြင့် တင်သွင်းလာသော (CP)ပြောင်း မျိုးစေ့ များကို စိုက်ပျိုးကြကြောင်း သိရှိရပါသည်။
DOCA(ရှမ်း)